LUGO .- A Área de Infraestruturas leva investidos desde 2008 e en distintas actuacións de conservación e mantemento da rede viaria provincial 14.805.851 euros, segundo aseguran dende a Deputación. Dentro do Plan de Conservación anual, leváronse a cabo actuacións nas estradas da Deputación por valor de 9,2 millóns de euros.
Nota de Prensa
A Deputación investiu dende o ano pasado 15 M€ no mantemento da rede viaria provincial
– Dentro do Plan de Conservación anual, leváronse a cabo actuacións nas estradas da Deputación por valor de 9,2 millóns de euros
– O organismo provincial executou1,2 M€ dentro do POS 2008 e realizou obras de mellora en 19 viais
– 47 Concellos, 25 máis que o ano pasado, subscribiron en 2009 o convenio polo cal os municipios asumen directamente a xestión da roza
– Dos 82 expedentes expropiatorios, 50 xa teñen rematada a súa tramitación administrativa, o que supón 67 quilómetros de estradas provinciais
A Deputación, a través da Área de Infraestruturas, leva investidos desde 2008 e en distintas actuacións de conservación e mantemento da rede viaria provincial 14.805.851 euros. O Deputado de Vías e Obras, Manuel Martínez, explicou que esta cantidade corresponde a iniciativas de conservación, reparación, desbroce de estradas e a obras executadas dentro do POS de 2008. Martínez subliñou que “nestes momentos calquera estrada que se arranxa faise nunhas condicións de calidade, de tal xeito que a totalidade dos proxectos novos que se están a facer son en aglomerado en quente, con sinalización horizontal e vertical. Xa temos varios viais na provincia que son un espello deste procedemento. A rede viaria é moi extensa, con 4.200 quilómetros, dos cales 2.000 non deberían ser viais provinciais. Isto débese á política errónea da anterior Deputación, e que consistía en que carretera que se arranxaba ou se asfaltaba, pasábase automáticamente á rede da Deputación sen que isto debese de ser así”.
Martínez indicou que dentro do Plan de Conservación anual leváronse a cabo actuacións en estradas provinciais de todos os Concellos da provincia por valor de 9.167.144 euros. Neste caso, as unidades máis significativas consistiron na aplicación de tratamento bituminoso (rego asfáltico) en 736.019 metros cadrados de firme. Asimesmo, o Deputado provincial subliñou que en 2009, executáronse traballos de bacheo xeralizado en 238 estradas, limpeza de cunetas en 75, eliminación de desprendementos, retirada de árbores en 92, construción de muros, limpeza de neve e eliminación de placas de xeo, rexeneración superficial con tratamentos bituminosos continuos en 38 estradas e reposición de muros en 4.
Acondicionamento dos viais
Dentro do Programa de reparación, rehabilitación e acondicionamento da rede viaria da Deputación, executáronse traballos de mellora en estradas de 24 Concellos (Ourol, Muras, Barreiros, Lourenzá, Mondoñedo, Riotorto, A Pastoriza, Meira, Pol, A Fonsagrada, Baleira, Negueira de Muñiz, Ribeira de Piquín, Navia de Suarna, Sarria, Samos, O Incio, Láncara, O Corgo, Courel, Pedrafita do Cebreiro, Ribas de Sil e Pobra de Brollón). Corresponden a 19 estradas provinciais e a unidades executadas consistiron en 286.761 metros cadrados de tratamento asfáltico. A esta actuación, a institución provincial destinou 1.743.883 euros.
Dentro do POS de 2008, dotado con 2,2 millóns de euros, o organismo provincial xa realizou obras de mellora na estrada de Cereixal a Louxas, dende o punto quilométrico 10,000 ó 19,000, que afecta ós Concellos de Becerreá, Baleira, Navia de Suarna e A Fonsagrada; e na CP que vai de Pobra de San Xillao ó Páramo dende o punto quilométrico 0,000 ó 5,850. Nos dous viais procedeuse ó ensanche e á aplicación de aglomerado en quente de 6 centímetros de espesor, pintura horizontal, sinalización vertical e instalación de ollos de gato e barreira de seguridade. Na mellora destes dous viais, o organismo provincial investiu 1.166.345 euros.
Desbroce das estradas e expropiacións
Polo que se refire ó desbroce das estradas, unha iniciativa posta en marcha por primeira vez na Deputación polo actual equipo de goberno, a institución provincial investiu desde 2008 1.489.427 euros. Nese ano 22 Concellos, que suman 1.395 quilómetros, subscribiron o convenio, mentres que en 2009 foron 47 os municipios que asinaron o acordo a través do cal asumen directamente a xestión da roza. Son os seguintes e suman 2.918 quilómetros: Abadín, Alfoz, Baleira, Barreiros, Becerreá, Begonte, Bóveda, Castro de Rei, Castroverde, Courel, Cervantes, Cospeito, Chantada, Fonsagrada, Foz, Guitiriz, Guntín, Xove, Láncara, Monforte de Lemos, Monterroso, Navia de Suarna, Negueira de Muñiz, Ourol, Palas de Rei, Pantón, Paradela, Pobra de Brollón, A Pontenova, Pastoriza, Páramo, Pedrafita, Pol, Portomarín, Quiroga, Rábade, Ribadeo, Ribas de Sil, Riotorto, Samos, Sarria, Trabada, Triacastela, O Valadouro, Vilalba, Viveiro e Burela.
Dos 82 expedentes expropiatorios xestionados polo actual Servizo de Expropiacións, 50 xa teñen rematada a súa tramitación administrativa. A lonxitude das estradas correspondente resultou ser de 66,972 quilómetros, o que supón unha media de 30,09 fincas afectadas por quilómetro de vía. A superficie total afectada nas devanditas parcelas foi de 618.963 metros cadrados, é dicir, unha superficie media por parcela de 307,178 metros cadrados.
O Deputado de Infraestruturas subliñou que “o Servizo de Expropiacións funcionaba ata chegou o actual equipo de goberno a estilo compadre. É dicir, que se había acordo co propietario habíao ou ben uns cedían os terreos gratuitamente, outros chegaban a un prezo determinado e, os que se opoñían á expropiación, íaselles aumentanzo o prezo, co cal cada propietario pasaba de non cobrar ata que recibir a cantidade que quería ou que se lle ofertaba”. Para Martínez este “era un sistema anárquico que non levaba a ningún lado á Deputación. De feito nada máis tomar posesión atopámonos con que tiñamos estradas dos Plans provinciais dende o ano 2003 sen terreos para facer as obras, o que nos levou a perder cantidades de cartos, aínda que, en moitos casos, a Deputación executounas con fondos propios”.
O importe total dos prezos fixados definitivamente en vía administrativa, isto é, os correspondentes ás avinzas xunto cos fixados polo Xurado de Expropiacións de Galicia, resultou ser de 4.331.422 euros.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
