RIBADEO .- O alcalde, Fernando Suárez, reiterou no pleno de onte que non se produciron anomalías na xustificación dunha subvención de 27.000 euros concedida pola Xunta ao núcleo de sostibilidade.
O rexedor sinalou que “outra das mocións que o PSOE tentou meter de urxencia e que afortunadamente non prosperou era aquela relativa ao núcleo de sostibilidade coa que están tentando sementar, porque non o consiguen, pero están tentando sementar dúbidas acerca dos pagos e da súa legalidade. Creo que esta xente sinceramente perdeu o norte, Ramón López e Balbino Pérez Vacas están nunha cruzada para desprestixiar a este goberno municipal e dalles igual a quen leven por diante, dalles igual o que lles digan e os argumentos que se lles poñan enriba da mesa. Deben estar tan doidos por teren perdido as eleccións que están perdendo o norte e están tentando cargarse actuacións de interese para os veciños como é o núcleo de sostibilidade”.
Fernando Suárez lembrou que “Ribadeo foi pioneiro con outros poucos Concellos de Galicia. Déronnos 200.000 euros e tiñamos que ter xustificados 27.000 euros a finais de 2008 e onde a Xunta, xa para rematar todo o proceso que tivemos que vivir, nos concede unha subvención un día e dous días despois nos manda tela xustificada. E a partir de aí se monta, segundo os concelleiros do PSOE, a marimorena. Aquí non se montou nada, fixemos todo correctamente. Os informes de Intervención, que é quen ten que informar todas as facturas que nosoutros pagamos, non din absolutamente nada e dan por ben feita esta operación”.
O alcalde engadiu que para saír de dúbidas “polo que se estivo verquendo por parte destes dous señores nos últimos tempos nos medios de comunicación, leímoslles literalmente unha contestación que lle pedimos á actual Xunta de Galicia, á Dirección Xeral de Sostibilidade que depende da Consellería de Medio Ambiente, e que por boca do seu xefe de servizo temos un escrito no que dice que aprobou este gasto por importe de 27.000 euros sendo fiscalizado pola súa Intervención o 30 de decembro de 2008. Eu creo que máis claro non se pode ser, e me parece torticeira e de mala fé a intención do concelleiro Ramón López e do Sr. Pérez Vacas, eu nunca crin que puideran chegar aos límites aos que chegaron onte nos debates. Déronse situacións irresponsables e de moita falla de cortesía pola súa parte e cunha falla de respecto ao resto da Corporación enorme”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
