BURELA (FNC) .- A tenente de alcalde, Neves Cando, critica ao PP de Burela por votar en contra dos investimentos reclamados á Xunta para o concello e a súa falla de compromiso co sector pesqueiro.
A edil nacionalista sinala que “a semana pasada no pleno que se celebrou no Concello asistimos á primeira demostración pública das mentiras do PP sobre o seu compromiso con Burela plasmado nos orzamentos da Xunta para o ano que ven. Comprobamos como coa cabeza agochada do seu portavoz municipal nos presupostos de 2010 do goberno galego Burela non existe. Só se contemplan tres investimentos: a mellora do abastecemento de auga a Cervo e Burela, o acceso ao porto e melloras no hospital da Costa, que xa estaban consignados de anos anteriores. Nada novo para Burela e ningún compromiso de futuro, o PP esquece Burela”.
Cando manifesta que “agora todos nos lembramos das promesas electorais do PP na campaña das galegas cando prometían a ampliación do hospital da Costa, unha resonancia magnética estable, unha nova escola infantil, un pavillón e unha piscina climatizada e moitas cousas máis que agora se negan a apoiar, porque o PP de Burela rexeitou incluir estas peticións nos orzamentos da Xunta para o ano que ven. O Partido Popular votou en contra destes investimentos para Burela, e despois fálannos de máis de 7 millóns de euros para Burela nestes orzamentos de 2010. Eso é mentira, son apenas 5 millóns xa comprometidos antes e correspondentes a estas tres obras mencionadas anteriormente”. A tenente de alcalde di que “o que non se pode facer é sumar dúas veces a mesma cantidade asignada ás obras do acceso ao porto para que saia unha cantidade maior de euros e poder así enganar á xente. E iso mesmo é o que fai o PP ao cuantificar os investimentos na comarca da Mariña para o 2010, aumentar as cantidades finais de millóns de euros, incluindo máis de 20 millóns que se corresponden con subvencións e non con investimentos reais en obras e servizos”.
A tenente de alcalde engade ao falar desas axudas e subvencións que “é moi curioso observar que o PP destina máis de 2 millóns de euros a subvencións para a paralización temporal ou definitiva das actividades pesqueiras na comarca da Mariña, cunha mesma cantidade para as tres zonas da Mariña cando o volume da actividade pesqueira é moi distinto en cada unha destas zonas, o que amosa a falacia destas axudas. E despois o PP de Burela, como se viu no pleno do pasado xoves, négase a aceptar, como sí se fixo na comunidade veciña de Asturias, que a Xunta de Galicia adiante os cartos que o Estado central pagará a tripulantes e armadores polos paros obrigatorios da actividade pesqueira. O PP lávase as mans da responsabilidade da Consellería de Mar que non pon as medidas axeitadas, como sí se fai en Asturias, para paliar a demora destes pagos. En Asturias sí se pode facer e en Galicia non, ese é o interese do PP polo sector pesqueiro”.
A concelleira suliña que “en resumo, ningún compromiso novo do PP na Xunta de Galicia para con Burela nos orzamentos do 2010 e ningún compromiso novo para co sector pesqueiro de Burela agora que é cando máis falta fai ese apoio é cando o PP mira cara outro lado e di que eso non é cousa deles”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
