RIBADEO (FNC) .- O alcalde, Fernando Suárez, pídelle á Consellería de Industria prioridade absoluta para a construción da subestación eléctrica do polígono industrial. Coa súa posta en marcha melloraría o servizo e evitaríanse os cortes no subministro que se producen en Ribadeo. O rexedor cualificou de intolerables os que se rexistraron na xornada de onte.
O rexedor sinalou que “eu como alcalde quero ser tamén o portavoz dos cabreados veciños do noso concello que unha vez máis voltan estar doentes por esta situación. Moitos deles transmitíronme na tarde de onte o seu malestar e a súa preocupación, porque esto xa empeza a ser algo habitual”.
Fernando Suárez contacto una xornada de onte con responsables de Begasa “para saber da problemática, eu non vou entrar nesas cuestións técnicas de que supostamente unha liña caeu, e que por caer esa liña dun determinado núcleo de poboación do concello de Ribadeo logo fastidiou a todas as demáis e singularmente ás da propia vila de Ribadeo. O que quero trasladar aos responsables de Begasa e da Xunta de Galicia é que esto non pode seguir así, esto non pode ser, temos que dicir un basta xa porque esto é intolerable, onte porque choveu, pero en todo caso non foi un ciclón, e eso provocou que tivéramos que estar moito tempo sen electricidade”.
O rexedor considera que “para resolver esto, un pouco en función tamén do que din os responsables de Begasa, é importante que se constrúa dunha vez a subestación eléctrica de Ribadeo, que non é soamente para dar electricidade ao polígono industrial senón que tamén dará subministro amplo e de calidade ao concello de Ribadeo e a parte da Mariña Oriental da provincia de Lugo”.
Suárez Barcia lembra que “hai un mes envieille un requirimento aos responsables actuais da Consellería de Industria para que tiveran en conta que o protocolo asinado hai un tempo cos anteriores responsables, con Begasa e con SEPES para poñer en marcha a subestación eléctrica de Ribadeo aínda non está materializado. Sí que saíu a exposición pública a construción do que é a subestación física, pero aínda non saíu a da traza da liña de alta tensión. Parece ser que técnicos de Industria están pendentes de facer un informe último antes de que saia a exposición pública, pero os responsables actuais autonómicos teñen que darlle prioridade absoluta a esta infraestrutura porque nos vai moito neso, non soamente á xente que se quere instalar no polígono industrial, senón á vila e ao concello de Ribadeo e á parte oriental da comarca da Mariña”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
