RIBAEO (FNC) .- Cos votos de BNG e PP foi rexeitada no pleno de onte a moción presentada por UPRI sobre o cambio de ubicación do albergue de peregrinos e da residencia de maiores e centro de alzheimer.
Fernando Suárez explicou que “ata o de agora o alcalde non dixo absolutamente nada desta proposta, pero onte no pleno sí que o fixemos e dixemos moito, porque moito hai que dicir sobre a manipulación e o interese político absoluto que demostra o portavoz de UPRI con falsedades e con mentiras argumentando que o Concello ten asinado varios convenios coa Xunta e co Bispado tanto no caso do colexio das monxas na rúa Trinidade como no do centro de día para enfermos de alzheimer”. O rexedor relatou que “o Concello non ten asinado nada, o Concello e o seu alcalde tivo a honra de poder traballar con Anxo Quintana e con Fernando Blanco para conseguir que o Bispado cedera estes dous inmobles para facer na rúa Trinidade un albergue de peregrinos e na rectoral de Ove, co que a normativa urbanística permite, rehabilitar esa rectoral para facer un centro de día para enfermos de alzheimer e despois cando o plan xeral se aprobe facer unha residencia para a terceira idade”.
Faltarlle á verdade
O alcalde manifestou que “o Concello fixo xestións políticas, pero os convenios foron asinados entre a Xunta e o Bispado. E desde logo argumentar que é millor o edificio do colexio das monxas para albergar o centro de día para enfermos de alzheimer porque non van poder facer xestións na vila, eso é faltarlle á verdade e ser un auténtico mentiroso. Unha persoa que está enferma de alzheimer, por desgracia para ela, non pode facer xestións no banco porque non se vale por sí mesma. Eu si tivese unha persoa maior ao meu cargo nestas condicións preferiría que estivera nun edificio adaptado ás esixencias modernas, nun edificio con luz, cun área de esparcemento como é a cortiña que ten por detrás a rectoral de Ove, un edificio que dista a escasos 800 metros do campo de futbol de Ribadeo é dicir en plena zona urbana da vila”. Fernando Suárez dixo que “a min non me gustaría que unha persoa querida por min estivese nun edificio que non é máis que unha cárcel como é o colexio das monxas, un edificio que pola súa estructura non está adaptado dado que cando un o ve por fora non é máis que un edificio de baixo e unha pranta e cando se adentra é un edificio de baixo máis tres prantas. Está moi ben para un albergue de peregrinos ou para un uso dese tipo, pero nunca para unha residencia para enfermos de alzheimer. Si saen da porta van para a rúa, e si saen ao patio é un patio interior coma o dunha cárcel. É algo que non entendo máis que pola manipulación interesada dalgunhas persoas alleas a UPRI e por parte desta formación tamén… moita xente firmou e veu dicirme que o fixo para que houbese unha residencia en Ribadeo. Claro que sí, o alcalde e calquera que teña dous dedos de frente queren que teñamos esa residencia en Ribadeo”.
O rexedor ribadense considera que “sería unha insensatez e unha falla de respecto tirar por terra todo este traballo e explícome. No que ten que ver co centro de día para enfermos de alzheimer, desde que se asinou o convenio este alcalde estivo semana tras semana conseguindo que se fixera o proxecto que se fixo, que pasara os informes dificilísimos de Patrimonio que se pasaron, que se pasaran os informes complicadísimos de Urbanismo que se pasaron tamén e o único que ten que facer agora a nova Xunta, e non dubido da súa palabra, é licitar as obras para rehabilitar e ampliar a rectoral de Ove e para que se poida facer alí un centro de día para enfermos de alzheimer. E no que ten que ver co albergue de peregrinos na rúa Trinidade o proxecto de execución está en fase de redacción”.
Fernando Suárez suliñou que “pretender meterlle mocións á Xunta para que intente cambiar usos, a parte de darlle un argumento magnífico para paralizar todo esto, é desde logo ter os pés na cabeza e a cabeza nos pés pensando que os inmobles poden ter mellor uso cambiándollelo o previsto. Isto é algo que está feito entre o Bispado e a Xunta e que ten os informes técnicos dos profesionais da materia que din que cada un é bó para o que é”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
