BURELA (FNC) .- A delegada de Benestar Social e Cultura, Neves Cando, presentou hoxe a programación de nadal “dirixida aos máis pequenos da casa por tratarse dunhas festas familiares e de vacacións escolares”.
A edil nacionalista manifestou que “organizamos por segundo ano consecutivo o obradoiro Invernarte, que integra a música, a plástica e a expresión corporal. Durante 6 días, o 28, 29 e 30 de decembro e o 7, 8 e 9 de xaneiro preténdese ofrecer aos nenos e nenas de 3 a 12 anos un espazo onde a creatividade e a imaxinación sexan as protagonistas e onde eles poidan bailar, representar, tocar instrumentos e cantar nun intento de achegar a arte e aprender a escoitar, a expresarse, a compartir e a respectarse. O obradoiro será en horario de tarde na Casa da Cultura e as inscripcións poderán realizarse na Biblioteca Municipal”.
Cando engadiu que “completamos estas actividades para os máis pequenos con outro obradoiro, para o que non fai falla anotarse, que se desenvolverá os días 4 e 5 de xaneiro de 11 a 13 horas na Praza do Concello, si a climatoloxía o permite, e senón na Praza de Abastos. Denomínase Xogos tradicionais e igualdade de oportunidades. Trátase a partir dunha serie de xogos tradicionais adaptalos a unha perspectiva de xénero incorporando novidades baseadas na aprendizaxe cooperativa e coeducativa. O obradoiro vai dirixido a nenos de 6 a 12 anos”.
A concelleira de Benestar Social e Cultura suliñou que “tamén temos o Nadal Máxico para toda a familia e o público en xeral. O martes 29 de decembro ás 20:30 horas terá lugar o espectáculo de maxia de Vituco e Jessica no auditorio da Casa da Cultura e o sábado 9 de xaneiro as 18 horas poderemos disfrutar do espectáculo máxico Simbiosis dos magos Marti e Dani. Continuaremos coa tradicional cabalgata de reis o 5 de xaneiro a partires das sete da tarde percorrendo as principais rúas de Burela e rematando coa recepción na Casa da Cultura. E xa para concluir o 8 de xaneiro tamén no auditorio poderemos disfrutar do concerto de aninovo da Escola Municipal de Música ás 20:30 horas”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
