LUGO .- A Vicepresidenta Segunda Deputación, Lara Méndez, participou este martes no III Encontro Local de Pobos e Cidades pola Sostibilidade que organizou a Fundación CONAMA en Sevilla e ao que asistiron unhas 500 persoas entre representantes de institucións, traballadores do ámbito local, ademais de expertos e investigadores do medioambiente de toda España. Lara Méndez foi unha das ponentes do debate sobre os obxectivos e as expectativas da Lei 45/2007, onde as políticas da Deputación foron un exemplo do desenvolvemento sostible do medio rural que busca esta normativa.
A lexislación a tratar, aprobada polas Cortes en novembro de 2007, versa sobre a creación de emprego, a competitividade, e a potenciación do rural. Trátase dunha lei que busca mellorar a calidade de vida, o nivel de renda dos habitantes de pequenos núcleos de poboación no país, así como a conservación dos recursos naturais e do patrimonio cultural compatibilizando o desenvolvemento sostible e a biodiversidade.
Durante o debate, representantes do Ministerio de Medio Ambiente e Medio Rural e Mariño avanzaron que o Goberno Central vén de facer público o proxecto enmarcado na lei 45/2007, dotado de 1.300.000 euros, e o que permitirá levar a cabo actuacións concretas para o desenvolvemento do medio rural en España. Para elo, cada Comunidade Autónoma terá que presentar obxectivos, delimitar as zonas de actuación, e financiar o 50% do que se execute.
Lara Méndez defendeu a súa posta en marcha xa que beneficiará aos núcleos de poboación que non superen os 30.000 habitantes. Neste senso, a Vicepresidenta Segunda destacou que “é un proxecto estratéxico para a nosa provincia na que só un dos 67 Concellos que a integran, o de Lugo, supera os 10.000 habitantes”.
Adianto á lei
A Vicepresidenta Segunda da Deputación deu conta das iniciativas levadas a cabo polo organismo provincial dirixidas ao fomento da economía lucense. Neste senso, Lara Méndez subliñou que “a Deputación adiantouse ao proxecto que estamos a debatir e apostou pola economía verde”.
Da mesma forma, explicou que mentras que a lei 45/2007 parte de que o campo é a fonte orixinaria de todos os recursos naturais representando o 90% do territorio de España, e do que vive o 20% da poboación, a Deputación orientou as súas políticas de actuacións ao medioambiente porque “Lugo é unha provincia 100% natureza, con 3 Reservas da Biosfera avaladas pola UNESCO, que representan o 55% do territorio total da provincia, e onde o sector agrogandeiro xera o 60% do potencial económico”.
Lara Méndez explicou as principais liñas de actuacións de Km0, Lug02, Innova-TE, ou o Centro de Recría Gayoso-Castro, “iniciativas creadas para fomentar a economía e o emprego de Lugo, e facer fronte aos datos sobre a perda de poboación que reflicten o primeiro Plan Estratéxico da provincia que elaborou o organismo provincial, a nosa folla de ruta nos vindeiros anos”.
Durante o III Encontro Local de Pobos e Cidades pola Sostenibilidade membros administración locais, colectivos medioambientais, e entidades relacionadas con esta materia, compartiron as súas liñas de actuación co obxectivo de que todos os Gobernos aposten polo desenvolvemento sostible. Lara Mendez agradeceu a invitación da Fundación CONAMA, e incidíu en que “a Deputación vén como Concello dos Concellos de Lugo, para dar a coñecer unha provincia única que aposta polo medio ambiente como unha oportunidade económica, e para formarse sobre novas iniciativas que leven a Lugo novos proxectos ECOTURISTAS”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
