LUGO .- O Presidente da Deputación, José Ramón Gómez Besteiro, presentou este martes o Orzamento da Sociedade Urbanística Provincial para o ano 2010, e que ascende a 24.346.693 euros, e que foi aprobado polo Consello de Administración de SUPLUSA. Da cantidade total, nivelada en gastos e ingresos, a aportación da Deputación é de 3.181.500 –un 11% máis que en 2008-, a operación de crédito prevista é de 12.000.000 euros e o alleamento de investimentos reais de 9.165.193 euros. Con todo, Gómez Besteiro anunciou que o Presuposto consolidado no que figuran todas as contas englobladas –SUPLUSA, INLUDES, Fundación TIC e Deputación, aprobarase no Pleno deste mes, previsto para o día 29.
No caso do exercicio de 2008, o Orzamento ascendía a 17.713.784 euros e no 2009 aumentouse en 6.632.909. É dicir, incrementouse un 37,44% con respecto ó do ano pasado. “Este ano aumentamos o Presuposto e fixémolo de xeito eficaz dentro do noso obxectivo de colaborar cos Concellos da provincia e tendo en conta a merma dos ingresos de participación dos tributos do Estado, sen embargo aquí a Deputación non fai esa reducción, senón que a quere incrementar para que a Sociedade sexa un axente dinamizador da economía provincial”.
No Presuposto fixéronse reaxustes debido ás variacións nas liñas de actuación. A primeira e a máis importante: dotación de sistemas de equipamentos e dotacións sociais con retorno económico para os Concellos da provincia. Dentro do Orzamento, a este fin destínase unha partida que ascende a 12 millóns de euros, que se corresponde coa operación de crédito citada anteriormente.
“Ata o de agora, SUPLUSA destinábase fundamentalmente á creación de solo industrial, pero pouco a pouco fomos constatando que os Alcaldes demandaban servizos para favorecer o desenvolvemento municipal relacionados co saneamento e abastecemento de auga, recollida de lixo, enerxía ou dotacións sociais. En definitiva, calquera tipo de actividade que produza retorno económico e que sirva para actuar en determinados municipios”.
Segundo un estudo realizado pola Sociedade, aconséllase que sería axeitado levar a cabo sistemas de equipamentos e dotacións en 23 Concellos: Begonte, Castroverde, Folgoso do Courel, Fonsagrada, Guitiriz, Meira, Monterroso, Navia, As Nogais, Ourol, Palas de Rei, Paradela, Pantón, Pedrafita, Pobra de Brollón, Pol, Portomarín, Ribas de Sil, Riotorto, Saviñao, Sober, Taboada e Trabada. “Moitos destes xa están recibindo investimentos da Deputación polo canon hidroeléctrico e esta lista non está pechada, de xeito que se poderán facer actuacións noutros que non figuran no estudo, tendo en conta que isto tamén depende das disposicións dos Concellos. Estas actuacións serían naqueles que están sofrindo un maior despoboamenteo para contribuír a fixar poboación. Segundo esta relación, quedaría cuberta neste eido toda a provincia: zona norte, centro e sur”.
Zonas verdes da provincia
A Sociedade Urbanística Provincial (SUPLUSA) é a encargada, mediante encomenda de xestión, de levar a cabo os traballos de coidado e mantemento das áreas verdes xestionadas pola Deputación ó longo de toda a provincia, que en total suman unha superficie de 1.200.000 metros cadrados. En 2009 destináse a este fin 1.697.000 euros.
Na capital, atópanse 7 destas áreas, repartidas ó redor de toda a cidade, que dan lugar ó coñecido cinto verde de Lugo. Só neste Concello a superficie da que se encarga a Sociedade é de preto de 850.000 metros cadrados, e son as seguintes: sendeiros da estrada de Ombreiro e zonas de bosque propiedade da Deputación; zona das Saamasas; contorno do Pazo Provincial dos Deportes, escola taller e xardín de infancia; desembocadura do Río Fervedoira no Miño; parque periurbano do Río Fervedoira; zona de A Chanca, Portiño e Friás e o Parque de Paradai; zonas verdes de instalacións e edificios provinciais como a do Museo Provincial e do edificio que alberga o Fogar de Santa María e a Fundación TIC; Insua de Burneiros; e zona de Bosende, a parte que conecta o parque do Rato con Bosende.
As restantes zonas da provincia, que ocupan unha extensión de 350.000 metros cadrados, están situadas nos concellos de Friol, Quiroga, A Pastoriza, Meira, Navia de Suarna e O Incio. No Presuposto tamén se inclúe o Taller Mallo que SUPLUSA ten en Begonte, con 157.500 euros, e o mantemento dos barcos e embarcadoiros con 650.000 euros.
Solo industrial
Gómez Besteiro explicou que outro dos obxectivos dentro do Orzamento é seguir creando solo industrial para favorecer o asentamento de empresas na provincia e xerar riqueza para Lugo, favorecendo que o volumen de negocio se quede na nosa provincia. Na actualidade, a Sociedade Urbanística Provincial está a desenvolver distintas áreas industriais na provincia de Lugo, poñendo a disposición dos cidadáns solo urbano para uso industrial.
En total está a actuar en 31 Concellos que suman preto de 5 millóns de metros cadrados. Destes polígonos, os que están máis avanzados e practicamente rematados son os de Ourol, Baleira, Friol e Begonte. A maiores está Castroverde. Neste caso, o Concello está tramitando o proxecto de urbanización, polo que unha vez concluído este trámite, poderíase comezar a construírse a área industrial.
“É certo que en época de crise as demandas de solo industrial se reducen, non tanto polo interés dos empresarios, senón porque as condición de crédico se restrinxen. En todo caso, hai que estar previstos a que no horizonte de 2010 as condicións económicas melloren, e si que é bo que a Sociedade incorpore un compromiso máis forte por parte dos empresarios á hora da adquisición das propias parcelas. Seguiremos desenvolvendo solo industrial, pero tamén debemos incrementar a petición en firme desas parcelas por parte dos empresarios”, apuntou Besteiro.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
