CERVO .- As integrantes da selección galega infantil feminina de baloncesto concentrase dende o sábado en San Ciprián, Cervo, onde permanecerán hasta o luns. Esta concentración é a novena das seleccións galegas e a última previa ó Campionato de España.
Nota de Prensa
A SELECCIÓN GALEGA INFANTIL FEMININA DE BALONCESTO CONCENTRASE EN CERVO DENDE MAÑÁ
Cervo, 25 de decembro de 2009.- As integrantes do combinado galego de baloncesto en categoría infantil feminina estarán concentradas na localidade cervense de San Ciprián a partir de mañá sábado 26 de decembro e ata o luns, día 28.
A Concentración enmarcase nun Proxecto da Delegación Lucense de Baloncesto para concentrar na provincia tódalas Seleccións Galegas que disputarán o Campionato de España do 4 ó 10 de xaneiro en Zaragoza. Neste caso é posible facela en San Ciprián gracias á gran colaboración por parte do Concello de Cervo que desde un primeiro momento se mostrou interesado na iniciativa.
En concreto esta concentración é a novena das Seleccións Galegas e a última previa ó Campionato de España. O equipo que dirixe Armando Otero realizará cinco sesións de adestramento, ás 11 horas en horario de mañá e ás 17 horas pola tarde. O domingo ás 17 horas xogará un encontro amigable contra xogadoras da Mariña, das escolas de Burela, Foz e San Ciprián. Este encontro será o último preparatorio da Selección e servira para ultimar a preparación de cara ao Campionato de España.
Así mesmo, aproveitando a ocasión, o domingo, tralo partido entre as seleccionadas galegas e o combinado mariñao, terá lugar un adestramento aberto dirixido polos técnicos da Selección para os xogadores e xogadoras das Escolas Municipais de San Ciprián e outras zonas da Mariña. Tamén poderán acudir adestradores e monitores que desexen compartir impresións cos Seleccionadores alí presentes.
A presentación desta concentración do seleccionado galego infantil feminino de baloncesto tivo lugar o pasado luns. No acto estiveron presentes Patricia Rico, delegada da FGB en Lugo, xunto ao alcalde de Cervo, Alfonso Villares; o concelleiro de deportes, Rubén Fernandez; a coordinadora das escolas deportivas de Cervo, Esther Gomez; e Óscar Engroba, Director Deportivo da Delegación de Baloncesto.
Dende a concellería de Deportes de Cervo valorase moi positivamente esta iniciativa levada a cabo conxuntamente coa Federación Galega de Baloncesto “porque será unha boa oportunidade para que os nosos deportistas máis novos teñan a posibilidade de presenciar o nivel das mellores xogadoras de Galicia, e así mesmo posibilitará que os técnicos da Federación podan ter unha imaxe do baloncesto que se está a practicar na nosa comarca” salientou Rubén Fernández, concelleiro de Deportes de Cervo.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
