NOTA DE PRENSA
Así o explicou o deputado Jose Manuel Balseiro Orol, quen salientou que os novos responsables da Consellería de Sanidade dan solución a unha problemática denunciada en múltiples ocasións desde as filas populares
O PP AMOSA A SÚA SATISFACCIÓN DESPOIS DE COÑECERSE QUE A REFORMA DA RAMPLA DE ACCESO DO HOSPITAL DA COSTA INCLUIRÁ A CONSTRUCIÓN DUNHA SALA DE ESPERA PARA OS USUARIOS DA RESONANCIA MAGNÉTICA
* Foi necesario un cambio de Goberno na Xunta para facer algo tan sinxelo como buscar unha solución á problemática detectada
* PSOE, BNG e Xunta bipartita sempre defenderon a continuidade dunha sala de espera prefabricada, instalada nun aparcadoiro contiguo ao centro hospitalario.
* O proxecto de reforma da rampla tamén contempla a ampliación da zona de farmacia e de arquivo do hospital, así como a mellora da solidez e impermeabilización destes espazos.
A Mariña lucense, 04 de decembro de 2009.- O deputado do Partido Popular de Galicia Jose Manuel Balseiro Orol, amosou a súa satisfacción despois de coñecerse que a reforma da rampla de acceso do Hospital da Costa –obra que ten previsto executar a Consellería de Sanidade neste centro mariñán– incluirá a construción dunha sala de espera para que poidan facer uso dela os familiares e pacientes que precisen ser examinados coa resonancia magnética.
PROBLEMÁTICA DENUNCIADA EN MÚLTIPLES OCASIÓNS
Deste xeito os novos responsables da Administración autonómica dan solución a unha problemática denunciada en múltiples ocasións desde as filas populares. Foi o propio deputado Jose Manuel Balseiro quen, puxo de relevo as deficiencias de accesibilidade dos usuarios do Hospital da Costa ao servizo de resonancia itinerante . En ningunha das ocasións nas que Jose Manuel Balseiro trasladou este asunto ao Parlamento de Galicia logrou o apoio dos grupos nacionalista e socialista que entendían improcedente dar solución a estas deficiencias. Tampouco a Xunta bipartita fixo nada para evitar que continuasen os problemas no traslado dos doentes, pois sempre defendeu a continuidade dunha sala de espera prefabricada, instalada nun aparcadoiro contiguo ao centro hospitalario.
FOI NECESARIO UN CAMBIO DE GOBERNO NA XUNTA
O deputado Balseiro Orol quixo amosar a súa satisfacción pola decisión da Consellería de Sanidade de mellorar este servizo e corrixir estas deficiencias. Subliñou tamén que foi necesario un cambio de Goberno na Xunta para facer algo tan sinxelo como buscar unha solución á problemática detectada e adianta que esta será a primeira de moitas actuacións chamadas a corrixir as deficiencias que o anterior Executivo autonómico permitía e que evidenciaban o desprezo e desatención na que a Xunta bipartita mantiña ao sistema sanitario público da nosa comarca.
OUTRAS MELLORAS
O proxecto de reforma da rampla tamén contempla a ampliación da zona de farmacia e de arquivo do hospital, así como a mellora da solidez e impermeabilización destes espazos.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
