LUGO .- A Consellería de Medio Rural ven de adxudicar traballos de repoboación e de aplicación de tratamentos silvícolas a desenvolver en distintos montes da provincia, actuando sobre un total de 1.350 hectáreas dedicadas á produción de madeira.
Estas actuacións agrúpanse en trece contratos que supoñen un investimento de 2.065.242 euros, son de carácter bianual e teñen por obxecto potenciar a actividade forestal como alternativa económica puxante para o progreso da provincia.
Neste sentido, a delegada territorial da Xunta, Raquel Arias, subliñou que “o fin último do programa de ordenación de explotacións forestais é crear riqueza, non só porque incrementan a calidade e o valor da madeira que se produce, senón tamén porque activan o mantemento de preto de 200 postos de traballo a través de distintas empresas vencelladas a Lugo e, deste xeito, contribúen a fixar poboación no medio rural”.
A delegada destacou tamén “o valor medioambiental do programa, xa que en varios dos casos se actúa sobre zonas degradadas para convertelas en espazos produtivos, coidados e atractivos, como sempre foron os nosos bosques”.
Algúns destes traballos darán comezo de xeito inmediato, especialmente os de repoboación, que por motivos de crecemento da planta deben realizarse preferentemente no outono ou na primavera. A repoboación realizarase fundamentalmente con piñeiros, aínda que en zonas de val tamén se plantan distintas especies de frondosas, como castiñeiros e carballos.
As tarefas de repoboación afectarán a 370 hectáreas de montes en distintos concellos. En total serán seis programas de repoboación que se desenvolverán do seguinte xeito:
| Ubicación dos montes | Superficie (hectáreas) |
| Concellos de Lugo e Friol | 90,59 |
| Concello de Folgoso do Courel | 28 |
| Concellos de Castro de Rei, Pastoriza e Pol | 52,08 |
| Concellos de Castroverde, O Corgo, Guntín, Monterroso e Portomarín | 77,06 |
| Concellos de Begonte, Guitiriz e Xermade | 49,52 |
| Concellos de Baralla e Navia de Suarna | 72,5 |
Pola súa banda, os tratamentos silvícolas consistirán basicamente en tarefas de poda e desbroce que perseguen, por un lado, a mellora da calidade da madeira e a súa valorización no mercado, e por outro, anular potenciais riscos para a aparición e a extensión dos incendios forestais. Os traballos levaranse a cabo ao longo dos dous vindeiros anos, se ben está previsto que as actuacións estén rematadas a mediados do ano 2010.
Os tratamentos aplicaranse en 980 hectáreas de monte pertencentes a 19 concellos da provincia. En resumo, trátase de sete actuacións diferenciadas:
| Ubicación | Superficie afectada (hectáreas) |
| Concellos de O Incio, Samos e Sarria | 145,7 |
| Concello de Friol | 97,48 |
| Concellos de Baralla, Becerreá e Navia de Suarna | 206,45 |
| Concellos de Castro de Rei, Meira, Pastoriza e Pol | 129,77 |
| Concellos de Guntín e Portomarín | 134,27 |
| Concellos de baleira, A Fonsagrada e Negueira de Muñiz | 162,54 |
| Concellos de O Corgo, O Páramo e Castroverde | 104,25 |
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
