BURELA (FNC) .- O alcalde de Burela reclama garantías de autonomía económicas e sanitarias para o hospital da Costa. Así llo expuxo ao secretario de sanidade da executiva provincial do PSOE, José Luis Díaz, co que mantivo esta mañá un encontro na vila.
Llano avogou por “manter con todos os servizos e con todas as garantías tanto o hospital da Costa coma os centros de saúde que temos na comarca. Eu quero deixar claro que a nosa intención é que non se perda un ápice do que eran os servizos sanitarios do noso hospital, que se incrementen eses servizos e que se amplíen as instalacións de dito centro. Todo se ten que facer para avanzar cara adiante e prestar o mellor servizo aos 80.000 habitantes que ten a comarca da Mariña”.
O rexedor reclama que “a xestión do hospital sexa única, queremos que sexa un hospital con todas as garantías de autonomía tanto económicas como sanitarias, e que teñamos un centro sanitario con características de hospital xeral e non comarcal”.
Alfredo Llano tamén aludiu ao centro de saúde de Burela e anunciou que “como alcalde tamén vou reclamar a presencia no noso centro de saúde dunha pediatra a tempo completo, por un total de 7 horas ao día de xeito habitual. Pensamos que é moi importante e moi demandado na nosa vila este servizo porque hai 1.400 rapaces de 0 a 14 anos, e ademais esa cifra está a medrar, de aí que o servizo sexa cada vez máis necesario. Vou mandar outra vez unha carta ás autoridades sanitarias da Xunta para que teñan en conta esta realidade”.
Pola súa banda José Luis Díaz sinalou que “si se utilizase a quenda de tarde para intervencións e un só quirófano teríamos desde setembro ata agora un total de 200 operacións máis feitas. Reclamamos as inversións previstas de 680.000 euros para obras que están paralizadas, eran obras de mellora e ampliación en xinecoloxía e obstetricia, de acceso pola rampla ao hospital, obras no arquivo que está desbordado e tamén na cuberta do centro. Tamén reclamamos de cara ao futuro que se creen dúas unidades de hospitalización a domicilio, unha para a Mariña Oriental e outra para a Mariña Occidental e que o plan funcional que estaba a deseñar o anterior xerente do hospital para desenvolver a cirurxía maior ambulatorio vaia para adiante e que se cree unha unidade de hospital de día para eses pacientes e mesmo tamén para a atención de crónicos”.
Díaz quere que “tamén nos digan que pasou cos 670.000 euros presupostados polo goberno anterior de Emilio Pérez Touriño e tamén onde van os 600.000 euros previstos no capítulo dous, é dicir en gastos correntes. E sería bo planificar a creación do posto de enfermeira de enlace ou xestora de casos para coordinar toda a atención sociosanitaria”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
