RIBADEO (FNC) .- O alcalde de Ribadeo, Fernando Suárez, asegura que a emenda do BNG aprobada no Congreso suporá o desbloqueo do proxecto de recuperación e rehabilitación das cetáreas de Rinlo. Os orzamentos do Estado contemplan para 2010 unha partida de 400.000 euros que irán destinados á primeira fase do devandito proxecto. O rexedor está moi satisfeito.
Suárez Barcia sinalou que “esta iniciativa que presentaron os representantes do Bloque Nacionalista Galego no Congreso dos Deputados, esta emenda aos presupostos do Estado para o ano 2010, é moi importante para Ribadeo e concretamente para Rinlo, dado que este proxecto tan ambicioso no que levamos tanto tempo traballando entre o Concello, a Dirección General de Costas e ultimamente tamén se involucrou a Xunta de Galicia a través do xefe territorial de Cultura, o señor Andina, para unha cuestión técnica que quedaba pendente, estaba redactado pero agora había que dotalo de consignación presupostaria”.
O rexedor subliñou que “esta emenda do BNG que foi aprobada no Congreso contempla o destino de 400.000 euros para unha primeira anualidade a levar adiante no 2010. Polo tanto está consignada esa partida nos orzamentos do Estado, que xa están aprobados definitivamente, para que agora o Ministerio de Medio Ambiente licite as obras do que vai ser a primeira fase desta inversión tan importante desde o punto de vista da recuperación etnográfica dun patrimonio colectivo como son as cetáreas de Rinlo. O obxectivo é facer un lugar de encontro, turístico, educativo e de recuperación etnográfica dun patrimonio industrial vinculado ao marisco tan característico nesta zona e concretamente na parroquia de Rinlo”.
Fernando Suárez engadiu que “esto logrouse por fin despois dun traballo durante máis de dous anos entre Costas e o Concello, co esforzo de todos: do responsable de Costas na provincia, do xefe territorial da Consellería de Cultura e agora dos meus compañeiros do BNG no Congreso, porque para o Concello de Ribadeo é francamente importante desbloquear un proxecto moi ambicioso”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
