Nota de Prensa
O BNG DE FOZ PRESENTA AS SÚAS PROPOSTAS PARA INCLUIR NO NOVO FONDO ESTATAL DE INVERSIÓN LOCAL (PLAN E – 2010)
Foz a 5 de decembro de 2009.- O BNG acaba de presentar por rexistro de entrada do Concello de Foz as súas propostas de obras a incluír no Fondo Estatal de Inversión Local para o próximo ano 2010. A Foz correspóndenlle 1.068.100 € a distribuír en distintos proxectos destinados a mellorar a vida de todos os focegos. Desde o BNG, cremos que o destino destes cartos deben ir principalmente á creación de emprego, para paliar o impacto da crise económica nas clases traballadoras, así como a completar os servizos básicos da poboación que aínda están sen cubrir nalgunhas parroquias.
Como xa defendeu noutras ocasión é intención do BNG de que estes fondos estean distribuidos de forma o máis equitativa posible entre todas as parroquias de Foz
Desde esta óptica, o BNG presenta as seguintes obras e inversións para unha vez valoradas polos servizos técnicos do Concello, debatilas e consensualas cos demais grupos políticos da Corporación Municipal unha vez escoitadas as asociacións veciñais do Concello.
1.- Creación dun Viveiro de Empresas.
É evidente que un dos graves problemas que afrontamos nos próximos anos é a creación de emprego estable. Por eso o Concello de Foz ten a obriga de asentar as bases para paliar a crise e crear postos de traballo no noso concello.
Obxecto. O Viveiro de Empresas é unha estructura de acollida temporal pensada para situar a empresas nos seus primeiros pasos no mercado, acompañalas e prestarlles determinados servizos adaptados ás necesidades de cada proxecto empresarial, co fin de que, mediante unha xestión sen ánimo de lucro, facilítese o desenvolvemento xerminal de iniciativas de interese para Foz.
Constitúe un espazo físico que, combinando o ofrecemento de locais, formación, asesoramento e prestación de servizos, trata de cubrir as necesidades básicas de pequenas e medianas empresas, permitindo mellorar as súas expectativas de supervivencia.
Os obxectivos do viveiro son:
1. Favorecer o nacemento, arranque e consolidación de novas empresas.
2. Favorecer a xeración de emprego.
3. Diversificar a estructura productiva local, favorecendo a instalación de empresas de carácter innovador.
2.- Executar o Saneamento Integral de San Acisclo, Santa Cilla e Cordido.
Hai moitos anos que estas parroquias demandan a colocación do saneamento non núcleos habitados e tamén foron moitas veces as que os mandatarios locais prometeron resolver o problema. Esta é unha ocasión inmellorable para levar un servizo básico a este núcleos rurais ou a outros que estean na mesma situación.
3.- Mellora na recepción da TDT e da ADSL en todas as parroquias.
O BNG de Foz ten feito publicamente xa varias denuncias dando conta da deficiente recepción da Televisión Dixital Terreste (TDT) no noso concello. Parece ser que a falta de recepción destes canais remóntase a semana santa en que a empresa operadora quedou en resolver os problemas nun tempo estimable de dous meses pero ao día de hoxe –8 meses despois- aínda non os teñen resoltos.
É necesario, a poucos meses do apagón analóxico, garantir a boa recepción da televisión dixital en todo o Concello de Foz a través da colocación de reemisores en zonas estratéxicas e da instalación da tecnoloxía necesaria para resolver ditas deficiencias.
4.- Supresión de barreiras arquitectónicas nos edificios e vías públicas (incluíndo os centros sociais veciñais onde existan).
É unha evidencia que actualmente o Concello de Foz incumpre a lexislación sobre supresión de barreiras arquitectónicas e promoción da accesibilidade (Lei 5/1994, de 19 de xullo ou Lei 8/1997, de 20 de Agosto). Polo que é un deber do Concello –como administración pública- facilitar a accesibilidade das persoas con limitacións a todos os centros de carácter público. De forma constatable non cumpren coa normativa os centros sociais de Fazouro, San Martiño, Cordido ou San Acisclo.
5.- Plan de Aforro Enerxético do Concello.
Esta proposta foi aprobada no pleno da corporación en novembro de 2007, estando aínda sen executar. O BNG ve moi necesario a posta en marcha dun plan co fin de levar a cabo medidas de uso racional da enerxía eléctrica no Concello de Foz, tanto nos edificios públicos como na iluminación exterior, por medio do cal se consiga unha reducción de custos por utilización de enerxía eléctrica.
Medidas:
1. Maior aproveitamento da luz solar ou a mellora do illamento de todos os edificios públicos,
2. Substitución progresiva da calefacción eléctrica de todos os edificios públicos por outras enerxeticamente máis eficientes (como por exemplo, o gas natural), establecemento de sensores de movemento nos corredores para conectar e desconectar a iluminación, apagado centralizado dos aparellos eléctricos (por exemplo, ordenadores) cando finaliza o horario laboral, etc.
3. Establecemento de placas solares fotovoltaicas naqueles edificios públicos que reúnan as condicións adecuadas para eso.
4. Verificación dos actuais niveis de iluminación existentes e planificar axustes requiridos en canto a iluminación necesaria en diferentes zonas do concello
5. Utilizar unicamente lámpadas de baixo consumo ou a substitución progresiva de todos os farois existentes ao longo das estradas e zonas pouco habitadas por farois que conten coa súa correspondente
placa solar fotovoltaica.
Con carácter xeral o Concello de Foz deberase fixar como obxectivo a reducción do consumo eléctrico actual nos seus edificios e instalacións en polo menos un 20%.Todas estas medidas, xunto con outras que poidan xurdir dentro do Plan, servirán para que o Concello de Foz reduza considerablemente os gastos en consumo de enerxía eléctrica o que redundará en beneficio das arcas municipais, do medio ambiente e do benestar dos veciños.
6.- Recuperación e conservación de áreas naturais e masas forestais
Esta proposta incluiría adecuación e recuperación de masas comúns do Concello, limpeza e ampliación de camiños forestais (cara a prevención de incendios) e rexeneración dos ríos do Concello.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
