Nota de Prensa
O GPPP acusa á Deputación de arranxar mal unha estrada en Xove e desentenderse de subsanar as deficiencias
* Os populares suliñan que a estrada que comunica Beltrán e Portiño de Morás rexistra moito tráfico e que a mala situación do firme provocou numerosos saídas de vía
* Critican que o Goberno provincial anulara unha obra que, con cargo a fondos europeos, prevía non só a mellora do firme senón tamén a do trazado
Xove, a 5 de decembro de 2009.- “A Deputación retrasou a execución das obras de mellora da estrada Beltrán a Portiño de Morás e, por riba, fixoas mal”. Así resumiu hoxe José María González Barcia, voceiro adxunto do Grupo provincial do Partido Popular, a situación na que se atopa esta estrada provincial de Xove durante unha rolda de prensa na que estivo acompañado polo rexidor local, Demetrio Salgueiro, a senadora María Carmen Gueimunde o deputado autonómico José Manuel Balseiro.
Os populares criticaron a desidia da Deputación, e máis concretamente da área de Vías e Obras, por non preocuparse de que as obras acometidas nesta estrada fosen axeitadas, máxime cando nos últimos días contabilizáronse varios accidentes como consecuencia de que o firme non quedou ben asentado. Unhas deficiencias que, suliñan, foron postas en coñecemento dos responsables da administración provincial por parte do Concello o pasado 30 de novembro. Os responsables provinciais, pese a todo, segundo recalcaron os populares, limitáronse a enviar uns operarios para que esparciran un pouco de gravilla.
O vial Beltrán-Portiño de Morás ten moito tráfico, xa que é o único acceso á planta de Pescanova, así coma a varias empresas auxiliares de Alcoa e ó porto pesqueiro de Morás. Une, ademais, varios núcleos de población importantes en Xove, como son Lago e Morás. “É manifesta, por tanto, a trascendencia desta estrada e a preocupación amosada polo Concello e os propios usuarios, que se ven obrigados a circular a menos de 40 quilómetros por hora para evitar saídas de vía”, explicaron os representantes populares.
Dende o GPPP puxeron tamén de manifesto o retraso das obras levadas a cabo nesta estrada xa que, segundo suliñaron, a súa execución quedou prevista polo anterior goberno da Deputación. “Resulta curioso que no seu día varios deputados provinciais do Partido Socialista viñeran aquí a denunciar o estado no que se atopaba esta estrada e despois, cando tiñan a oportunidade de poder solucionar o problema, demoraron a súa resolución e, para colmo, non se preocuparon por facelo ben. É máis, o actual Goberno da Deputación anulou unha actuación que estaba previsto acometer neste vial con fodos europeos e que contemplaba a mellora do firme e do trazado”, apuntou Barcia.
O caso da estrada Beltrán a Portiño de Morás non é único no municipio de Xove. Outra vía provincial moi transitada, a que vai de Xove a Valcarría por Monte, que tamén o anterior goberno provincial tiña en previsión acometer, e cuxas obras iniciáronse recentemente pero “sorprendentemente a Deputación de Lugo só as está a acomenter no tramo que corresponde ó municipio de Viveiro”.
Son dous casos “a destacar” pero, segundo suliñou o alcalde Demetrio Salgueiro, toda a rede viaria provincial no municipio de Xove atópase en moi mal estado, cos firmes moi deteriorados e moitos baches, limitándose a actuación nelas da administración provincial a unha mera limpeza das cunetas. Unha deficiencias que en reiteradas ocasións, segundo indicou, comunicáronselle á Deputación sen que ata o momento obtiveran “ningunha resposta”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
