Nota de Prensa
Os populares lamentan a hipocrisía política dos nacionalistas que, na Mariña afirman impulsar unha campaña social e institucional para conseguir esta nova infraestrutura, mentres que os representantes do BNG en Madrid supedítanse aos intereses do PSOE e aceptan que as Orzamentos do Estado para 2010 non contemplen un só euro para esta actuación
O BNG NO CONGRESO ESQUECE O PROXECTO DE APERTURA DO DIQUE NORTE DE ALCOA E NON PRESENTA NINGUNHA EMENDA PARA CONQUERIR ESTE OBXECTIVO
• O PP DEFENDE ESTA REIVINDICACIÓN EN SOLITARIO: Tan só o Grupo Parlamentario Popular no Congreso rexistrou unha emenda polo que solicita que o Goberno de Zapatero destine un millón de euros a facer realidade esta reivindicación histórica.
A Mariña, 02 de decembro de 2009.- Pese a que a agrupación comarcal do Bloque Nacionalista Galego na Mariña lucense anunciou a posta en marcha dunha campaña social e institucional para requirir ao Ministerio de Fomento que faga realidade a apertura do dique norte de Alcoa ao tráfico comercial xeral, os representantes da fronte nacionalista no Congreso dos Deputados non teñen rexistrada ningunha emenda con este obxecto. De feito, malia que os orzamentos xerais do Estado para 2010, deseñados polo Executivo socialista de Jose Luis Rodríguez Zapatero, non contamplan un só euro destinado a conquerir esta actuación, un ano máis o BNG no Congreso dos Deputados prégase aos intereses do PSOE e renuncia a defender, a forzar e a reivindicar que poidamos contar cos recursos públicos suficientes para que A Mariña lucense dispoña dun novo porto comercial, aproveitando o dique norte de Morás, na actualidade infrautilizado pola multinacional Alcoa.
Así o denunciaron desde o Partido Popular da Mariña que, despois de comprobar as emendas das distintas formacións políticas, deron conta do seu asombro ante este evidente esquecemento nacionalista. Segundo os populares estamos ante un novo exemplo de hipocrisía política do BNG que unha vez máis actúa de xeito distinto cando se trata de defender os intereses da Mariña aquí na nosa comarca ou en Madrid. De pouco valen as declaracións de boas intencións e os acordos aos que se poidan chegar solicitando a creación dun novo porto comercial xeral no dique de Morás se, cando o Goberno do Estado elabora as súas contas, non contempla os recursos e cartos públicos necesarios para logralo. O BNG é consciente disto e, malia todo, non fai nada. De feito incluso os nacionalistas veñen aprobando os orzamentos de Zapatero ou evitado emendalos, tal e como fixeron este ano, actuando como cómplices necesarios na marxinación de proxectos tan importantes como este, que redundaría en beneficio do conxunto da nosa comarca.
O PP DEFENDE ESTA REIVINDICACIÓN EN SOLITARIO
A situación contrasta co compromiso adquirido polo PP que, a través dos seus deputados no Congreso, rexistraron unha emenda que reclama a achega dun millón de euros destinada a facer realidade esta histórica reivindicación respecto do uso comercial xeral do dique norte de Alcoa. Os populares son os únicos que, alí onde corresponde, defenden a consecución deste novo porto de transporte de mercadorías na Mariña lucense.
É máis, días despois de acceder a nova responsabilidade de Goberno na Xunta, o PP xa adiantou que, a diferenza do acontecido na pasada lexislatura, onde o Goberno bipartito non se pronunciaba ao respecto, non só apoiará esta reivindicación, senón que incluso é favorable á creación dunha autoridade portuaria exclusiva para a nosa comarca. De feito o ente público autonómico Portos de Galicia contratou a elaboración dun estudo de viabilidade que servirá para fortalecer esta reivindicación e dar novos argumentos para convencer ao Goberno central, ao Ministerio de Fomento, da idoneidade desta nova infraestrutura.
INTERPRETACIÓN TEATRAL
Os populares lembran que o BNG, nun evidente alarde de cinismo, chegou incluso a manifestarse nas instalacións do dique de Morás. Agarráronse á pancarta e fixéronse a foto pero, á hora da verdade, esquecen requirir o diñeiro preciso para que Fomento, hoxe en mans do PSOE, poida polo menos iniciar os trámites previos a creación deste novo porto comercial. Polo tanto, compartindo o convencemento que seguro terán moitos veciños da Mariña de que o BNG é un partido que non é de fiar, acusan aos nacionalistas de facer un “teatro, un paripé, unha representación teatral, diante das cámaras e dos medios de comunicación, pero non raballan alí onde é necesario, nas institucións, emendando as contas no sentido que corresponde, cando se están a aprobar e deseñar os orzamentos para o ano próximo”
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
