A MARIÑA .- Portos de Galicia anuncia que fará un estudo completo do porto de Bares, desde a súa perspectiva construtiva, patrimonial, arquitetonica e medioambiental co fin de facer unha investigación para a posta en valor, restauración e adecuación desta histórica instalación portuaria.
REFERENCIA
Portos de Galicia fará un estudo completo do histórico porto de bares co fin de poñer en valor e restaurar esta antiga instalación portuaria
Santiago, 5 de decembro de 2009.- Portos de Galicia fará un estudo completo do porto de Bares, desde a súa perspectiva construtiva, patrimonial, arquitetonica e medioambiental co fin de facer unha investigación para a posta en valor, restauración e adecuación desta histórica instalación portuaria.
Dentro da liña estratéxica de Portos de Galicia para poñer en valor o patrimonio portuario e mariñeiro foron seleccionadas unha serie de instalacións portuarias que polas súas características teñen un gran valor histórico e patrimonial. Unha das mais importantes é a do porto de Bares, denominado tamén “Coído de Bares”, cuxo orixe é romano aínda que probablemente incluso puidera ser un antigo porto fenicio e, sen dúbida, un dos máis antigos de Europa aínda en funcionamento.
O estudo basearase no interese de conservar o Coído e recuperar o porto e a praia mediante a formulación de novos usos e a integración coa súa historia, co núcleo poblacional de Bares e co entorno da península de Estaca de Bares e a ría do Barqueiro. Trátase en definitiva de conservar e valorizar o patrimonio cultural e natural de Galicia e conseguir un mellor coñecemento e difusión deste porto e o seu entorno.
Denomínase Coído de Bares, polos bolos o “coídos”, elementos esferoidais que se crean na masa granítica e que despois, polo paso do tempo e a erosión, pasaron á superficie e se utilizaron para a construción do porto. Este vello porto ten unha posición privilexiada respecto das grandes rutas de navegación. Ademais, a situación da instalación portuaria na bocana da ría foi básica para que ao longo do tempo fora considerado como un porto de refuxio.
O porto de Bares, emprazado nunha zona moi dura da costa, leva vinteún séculos protexendo aos navegantes e, por iso, Portos de Galicia considera importante facer un esforzo de investigación, investimento e posta en valor desde a perspectiva patrimonial do porto de Bares
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
