SAN CIBRAO .- A selección galega de baloncesto en categoría infantil feminina e un combinado de xogadoras da comarca da Mariña procedentes das escolas de Burela, Foz e San Ciprián disputaron un encontro como parte do programa de preparación do combinado galego que se prepara para participar no campionato de España de seleccións que terá lugar do 4 ao 10 de Xaneiro en Zaragoza.
Nota de Prensa
O partido forma parte do programa de adestramentos que está a desenvolver o seleccionado galego durante este fin de semana en Cervo
O PAVILLÓN DA VEIGA ACOLLEU UN ENCONTRO ENTRE A SELECCIÓN GALEGA INFANTIL FEMININA DE BALONCESTO E UN COMBINADO DA MARIÑA
Cervo, 27 de decembro de 2009.- Onte tivo lugar o encontro entre a selección galega de baloncesto en categoría infantil feminina e un combinado de xogadoras da comarca da Mariña procedentes das escolas de Burela, Foz e San Ciprián. O partido forma parte do programa de preparación do combinado galego na súa concentración no Concello de Cervo para preparar a súa participación no vindeiro campionato de España de seleccións que terá lugar do 4 ao 10 de Xaneiro en Zaragoza.
As seleccionadas galegas están dende o sábado en Cervo e rematarán a súa concentración o lunss día 28. Esta concentración enmarcase nun Proxecto da Delegación Lucense de Baloncesto para concentrar na provincia tódalas Seleccións Galegas. Neste caso é posible facela en San Ciprián gracias á gran colaboración por parte do Concello de Cervo que desde un primeiro momento se mostrou interesado na iniciativa.
En concreto esta concentración é a novena das Seleccións Galegas e a última previa ó Campionato de España. No día de onte o equipo que dirixe Armando Otero estivo a realizar sesións de adestramento en horario de mañá e tarde. O partido de hoxe serviralles de adestramento para ultimar a preparación do Campionato de España. Así mesmo, aproveitando a ocasión, tralo partido está previsto que teña lugar un adestramento aberto dirixido polos técnicos da Selección para os xogadores e xogadoras das Escolas Municipais de San Ciprián e outras zonas da Mariña. Tamén poderán acudir adestradores e monitores que desexen compartir impresións cos Seleccionadores alí presentes.
A selección galega infantil de baloncesto feminino finalizará a súa estadía mañá pola mañá, despois dunha última sesión de adestramento no pavillón da Veiga.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
