LUGO .-A Deputación esparexeu 451 toneladas de sal e mobilizou a 83 operarios e 114 vehículos nestes días de temporal e repartiu preto de 1.400 toneladas de sal na rede viaria nas ultimas semanas
Nota de Prensa
A Deputación repartiu preto de 1.400 toneladas de sal na rede viaria durante as últimas semanas
– Durante a fin de semana, o organismo provincial esparexeu 451 toneladas e mobilizou a 83 operarios e 114 vehículos
– A Deputación evacuou a enfermos en Cervantes e Navia e liberou a dous camións con animais vivos en Guitiriz
– O dispositivo provincial traballa de xeito ininterrumpido en toda a rede viaria e, nestes momentos, é preciso o uso de cadeas nas estradas de 9 Concellos
A Deputación repartiu 451 toneladas de sal durante a fin de semana coincidindo co último temporal de neve que afectou considerablemente á provincia de Lugo. Asimesmo, o organismo provincial mobilizou a 83 operarios, pertencentes ás 13 empresas adxudicatarias da Conservación Integral da rede viaria da Deputación. O sábado e o domingo, 114 vehículos traballaron de xeito ininterrumpido esparexendo sal e retirando neve co obxectivo de garantir a seguridade dos viandantes. Concretamente, foron 22 tractores con saleiro e con cuña, 33 todo terreos, 18 retros-mixtas, 10 motoniveladoras, 10 camións, ademais doutros medios materiais.
Dende o mes de decembro, o organismo provincial xa recheou ata en 5 ocasións os 12 saleiros que ten distribuídos na rede viaria provincial, e esparexeu preto de 1.400 toneladas dende esa data.
As empresas adxudicatarias da Conservación actuaron reitrando neve e esparcindo sal nas 13 zonas nas que o Plan divide a provincia: 1 (O Vicedo e Ourol), 2 (O Valadouro, Foz, Alfoz, Barreiros, Lourenzá, Ribadeo e Trabada), 3 (Mondoñedo, Abadín, A Pontenova, Riotorto e A Pastoriza), 4 (Meira, Ribeira de Piquín, Pol, Castro de Rei, Cospeito, Outeiro de Rei e Rábade), 5 (Muras, Xermade, Vilalba, Guitiriz, e Begonte), 6 (Lugo, Guntín, Friol e Palas de Rei), 7 (Castroverde, Baleira, O Corgo, Láncara e Baralla), 8 (A Fonsagrada, Negueira de Muñiz e Navia de Suarna), 9 (Becerreá, Cervantes, As Nogais e Pedrafita), 10 (O Courel, O Incio, Samos, Triacastela, Quiroga e Ribas de Sil), 11 (Monforte, Bóveda, Pobra de Brollón, Sober e Pantóin), 12 (O Páramo, Portomarín, Sarria, Paradela e O Saviñao) e 13 (Antas de Ulla, Monterrosao, Taboada, Chantada e Carballedo).
Nestes momentos, as vías que continúan a ter os maiores problemas e nas que é preciso o uso de cadeas son: Ribadeo (CP 5204), A Pontenova (CPs 1004 e 4809), Chantada (CP 1807), A Fonsagrada (CP 0408), Lugo (CPs 3907 e 2407), Baleira (CP 0401, 0402, 0403 e 0404), Castroverde (0502, 1201, 1202, 1611), Baralla ( CPs 0504, 0506, e 0507) e Monterroso (CP 3303).
Actuacións destacables
Os efectos do temporal de neve, ademais de ocasionar problemas na circulación, fixeron que a Deputación tivese que rescatar tres ambulancias en Láncara, Pol e Guntín. Asimesmo, houbo que evacuar enfermos en Cervantes e Navia de Suarna, e foi necesario liberar dous camións con animais vivos en Guitiriz que levaban atrapados neste municipio un día. Tamén se atenderon as peticións da páxina web. Concretamente, unha delas foi dun particular que solicitaba a actuación do organismo provincial na estrada da Igrexa da Costa, en Vilalba. A coordinación levada a cabo polo servizo de Vías de Obras fixo posible que se atendesen peticións coma esta, así como todas as incidencias rexistradas
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
