LUGO .- A deputación de Lugo ultima o contrato do servizo de subministro eléctrico nos 46 Concellos que se adheriron á iniciativa e nos centros dependentes do organismo provincial. O consumo anual que vai ser obxecto do contrato supera os 48 millóns de quilovatios hora e a potencia sitúase en máis de 31.600 quilovatios
Nota e Prensa
A Deputación aprobará nos vindeiros días a contratación do subministro eléctrico coa que aforrará cartos ós Concellos
– Contrataranse máis de 5.000 expedentes de enerxía e o consumo anual que vai ser obxecto de licitación supera os 48 millóns de quilovatios hora
– Gato Soengas subliña que “convertirémonos no segundo cliente de subministración eléctrica da provincia. Foi un traballo de chinos e feito con todo o rigor. Vai servir de paradigma para outras Deputacións de Galicia e do propio país”
A Deputación de Lugo está a ultimar o contrato do servizo de subministro eléctrico nos 46 Concellos que se adheriron á iniciativa e nos centros dependentes do organismo provincial. Nos vindeiros días procedarase á aprobación da licitación desta iniciativa coa que a Deputación aforrará cartos ós municipios. O Deputado de Cooperación cos Concellos, Antonio Gato Soengas, subliñou que “nestes momentos de crise económica, todos xuntos abarataremos costes e paliaremos as carencias que as entidades locais estamos notando na situación actual”.
En total contrataranse 5.294 expedentes de enerxía extendidos entre a Deputación e os municipios interesados nesta liña de Cooperación. O consumo anual que vai ser obxecto do contrato supera os 48 millóns de quilovatios hora e a potencia sitúase en máis de 31.600 quilovatios. “Deste xeito convertirémonos no segundo cliente de sumbinistración eléctrica da provincia de Lugo. Foi un traballo de chinos e feito con todo o rigor. Vai servir de paradigma para outras Deputacións de Galicia e do propio país”.
Nos pregos de condicións técnico-administrativos establécense criterios de valoración en canto a termos fixos de potencia, de consumo, de aluguer de equipos de medida, puntuacións e tarifas horarias.
Desaparición Grumires
O voceiro provincial socialista voltou a facer fincapé na situación que están a atravesar os Concellos pola decisión da Xunta con respecto ós Grumires. Gato Soengas subliñou que cos efectos do temporal de vento e choiva de días pasados “demóstrase que os cidadáns están desprotexidos dende o punto de vista da súa propia seguridade e da protección civil que realmente debían recibir por parte da Xunta de Galicia”.
Gato Soengas engadiu que “a administración autonómica permaneceu absolutamente alonxada e nin tan sequera alertou ós Concellos de toda Galicia nin ós da provincia de Lugo. Os Alcaldes así no lo poñen de manifesto, xa que ó non funcionar os parques de bombeiros e non haber grumires, as situación foise resolvendo cos efectivos locais”.
Para o Deputado provincial “isto contrasta co que fixo a Deputación, quen respondeu dunha maneira dilixente na protección dos cidadáns procurándolles accesibilidade nas vías provinciais, actuando en 30 Concellos da provincia e axudando ó persoal das entidades municipais”.
Gato Soengas engadiu que “a situación dos últimos días pon de manifesto que é absolutamente necesario poñer en marcha os parques de bombeiros e dotar ós Concellos dos servizos de protección civil a través dos grumires. Coa decisión da Xunta non se acortan os prazos porque o goberno bipartito tiña a contratación deste servizo en nove meses e o gobierno de Feijóo co ánimo de facer caixa recortounas a 6”.
Pleno de Castro de Rei
O vindeiro luns, día 18, o Concello de Castro de Rei celebrará un Pleno extraordinario, no que se aprobará unha proposta para instar ó Presidente da Xunta a cumprir a palabra dada ós veciños deste Concello en xaneiro de 2009 de manter as instalacións do Hospital de San Rafael no municipio chairego. No Pleno participarán varios Deputados provinciais. Entre eles, xa confirmaron a súa asistencia o responsable da Área de Urbanismo, Miguel Ángel Sotuela, e a Vicepresidenta Segunda, Lara Méndez.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
