CERVO .- A concelleira de Asuntos Sociais e Muller do Concello de Cervo, Pilar Armada, indicou que os organizadores da vindeira edición do Encontro de Palilleiras do Concello de Cervo xa comezaron os traballos preparativos desta celebración.
Nota de Prensa
CERVO PREPÁRASE PARA ORGANIZAR O VII ENCONTRO DE PALILLEIRAS
* O evento terá lugar o vindeiro 27 der marzo na vila de San Ciprián
Cervo, 14 de xaneiro de 2010.- A concelleira de Asuntos Sociais e Muller do Concello de Cervo, Pilar Armada, adiantou hoxe que os membros da organización da vindeira edición do Encontro de Palilleiras do Concello de Cervo xa comezaron os traballos preparativos desta celebración que anualmente ten lugar na vila de San Ciprián e que acolle a máis de 800 palilleiras de distintos puntos da xeografía galega e asturiana.
O Concello de Cervo, a través da delegación de Muller e Servizos Sociais, xunto coa asociación “A Sombriza” e as profesoras María Luz Méndez e Modesta Lombardero, son as encargadas de preparar o programa de actividades deste encontro, que nesta ocasión terá lugar o vindeiro 27 de marzo, así coma as actividades complementarias que se desenvolven nel.
Segundo sinalou a edila cervense, a pesar de que aínda non se abriu oficialmente o prazo para participar, a organización xa conta con persoas de Galicia e Asturias interesadas en acudir a palillar en vivo nesta cita que por terceiro ano consecutivo se desenvolverá no pavillón municipal de Deportes. Paralelamente ao encontro terá lugar na sala de exposicións da Casa da Cultura de San Ciprián unha mostra con traballos realizados en palillos que permanecerá aberta do 26 de marzo ata o 4 de abril.
Así mesmo durante o encontro as e os participantes terán a oportunidade de realizar unha xeira de visitas turísticas a sitios de interese do termo municipal e tamén participarán en varios sorteos previstos pola organización.
Segundo indicou Armada, os integrantes da organización están a desenvolver unha serie de contactos con diversas institucións e entidades privadas co obxecto de que colaboren neste encontro. Esta cita congrega anualmente ao redor de 800 persoas procedentes de distintos puntos da xeografía galega e tamén do veciño Principado de Asturias.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
