RIBADEO (FNC) .- O alcalde ven de enviar sendas cartas aos presidentes do goberno estatal e da Xunta nas que lles propón unha acollida temporal e transitoria de nenos haitianos en Ribadeo, mentras a situación naquela zona non mellore.
Fernando Suárez asegura que “moita xente ao longo de todos estes días se dirixiu a nós para pedirnos que desde Ribadeo tamén fagamos algo por esta situación tráxica que están vivindo tantos milleiros de haitianos, singularmente nenos e nenas. De aí que desde o Concello de Ribadeo plantexemos esta inicitiva, con toda a prudencia necesaria, pero aproveitando a experiencia que xa temos en programas similares, salvando as distancias, como pode ser Vacacións en paz, estes nenos saharauis que ano tras ano están en réxime de acollida aquí con varias familias do noso concello”. O rexedor engade que “esto foi o que nos levou a dirixirnos a José Luis Rodríguez Zapatero e a Alberto Núñez Feijoo para propoñerlles en primeiro lugar ao presidente do goberno estatal, por ser o que ten a potestade en materia de relacións internacionais, que Ribadeo poida acoller de forma temporal e transitoria a unha serie de nenos, que estimamos nuns 10 nun primeiro momento, e para iso contaríamos coa axuda dunha serie de familias que se poderían facer cargo de maneira temporal do coidado e da atención destes nenos”.
Suárez Barcia suliña que “para iso o Concello de Ribadeo estaría en disposición, senón hai outro xeito de resolvelo, de pagar a viaxe en avión destes nenos. E todo isto require do beneplácito do goberno do Estado, ainda que tamén nun segundo lugar precisamos da colaboración da Xunta de Galicia, para os contrais sanitarios pertinentes, a asistencia ás familias desde os servizos sociais e xa no edio educativo tamén se podería traballar desde diferentes espazos para atender a estes nenos”.
O alcalde de Ribadeo considera que “é algo que se pode facer perfectamente, que non queremos ser alleos en Ribadeo, como nunca o somos, a este tipo de accións solidarios, e queremos aproveitar para tender a man e ofrecer a disponibilidade e a boa disposición tanto do Concello como de moitas familias deste Concello que teño a honra de presidir”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
