FOZ .- A sección estudantil da plataforma Queremos Galego da Mariña está a manter ao longo da xornada de hoxe unha serie de actos nos Institutos da zona a fin de seguir a explicar as motivacións que levan a esta Plataforma cidadá a convocar un paro xeral no ensino de cara ao próximo 21 de Xaneiro. As asembleas informativas que se celebran hoxe nos centros de Foz, Cervo e Viveiro contarán co presenza da Portavoz Nacional sa sección Xuvenil da Plataforma, Iria Aboi, quen destacou o importante traballo que os membros deste colectivo na Mariña viñeron desenvolvendo nas últimas semanas.
Iria Aboi informou que a maioría do estudantado da Mariña xa votou a favor da folga ao longo da semana pasada, e nese sentido recordou, que os estudantes como centros do IES de Foz, do IES Marques de Sargadelos, ou do Monte Castelo de Burela xa votaron a folga e que agardan que o día 21 a totalidade do ensino secundario pare na Comarca. “As previsións que manexamos hoxe en relación coa Mariña e que o paro do 21 vai ser masivo no ensino secundario, mesmamente nos próximos días os centros que faltan van aprobar en asembleas a folga. Neste sentido as asembleas de hoxe serviron para debater de primeira mao a situación, e neste sentido, queremos facer un chamamento ao estudantado da comarca que se sume a folga do 21” recalcou Iria Aboi.
A Portavoz da sección estudantil da plataforma Queremos Galego quixo animar aos mozos e mozas da Mariña que ademais de apoiar a folga do dia 21 acudan a manifestación a Compostela e lembrou que sairán autobuses das localidades da Comarca, abondando para anotarse con chamar aos Tlf.982-12-95-93 e 649-63-19-03. “ A dia de hoxe xa comprometeron a súa asistencia a manifestación de Compostela máis de 15.000 mozos galegos, tendo comprometido a súa participación case 100 rapaces da Mariña. Agardamos que ao longo desta semana se apunten outros tantos porque estamos convencidos do éxito e do carácter histórico desta mobilización” destacou Aboi que advertiu “que a loita contra o decreto só vai rematar cando a Xunta de Galiza proceda a súa retirada, porque este non é un debate sobre porcentaxes, aquí discútese se o galego ten dereitos ou non, en definitiva temos enfronte un goberno que quere acabar co galego”.
Alberto Núñez Feijóo bautizou o disparate como “decreto do plurilingüismo”, cando a realidade é que con esta proposta non se poden mellorar as competencias comunicativas de ningún dos tres idiomas indicados.A propaganda sobre a aprendizaxe do inglés é unha burla tremenda, porque se vende un suposto “trilingüismo” que, á marxe doutras consideracións, é imposíbel de aplicar en case toda Galiza. Así o recoñece a disposición transitoria primeira deste decreto. Coas falacias sobre o inglés o que tentan é confundir á opinión pública e camuflar esta navallada contra o idioma de Galiza.No caso do castelán e do galego, é obriga do Goberno garantir que os estudantes finalicen cada etapa educativa con competencias nas dúas linguas oficiais. No entanto, iso non se está a conseguir para o idioma propio, tal e como o corroboran estudos e informes realizados que sinalan que un 20% dos rapaces e rapazas entre 14 e 19 anos son analfabetos funcionais en galego.
A Portavoz da sección estudantil de “Queremos Galego” fixo fincapé “na difícil situación que está a vivir a lingua neste momento concreto. A ese estado de saúde de por si preocupante, como reflicten todos os estudos elaborados até o momento, únese un elemento non menos grave: as medidas regresivas que no ámbito da lingua ou da cultura está a aplicar o actual goberno da Xunta xa desde os primeiros días da lexislatura”. Iria Aboi chamou “a transformar en enerxía a prol da defensa do noso idioma, elemento central da nosa existencia colectiva, a gran preocupación que a actual política lingüística do goberno galego ten creado en amplos sectores da sociedade. Instamos ao noso pobo a moverse a favor de aquilo que nos une e identifica, que nos sitúa as galegas e os galegos no mundo no mesmo nivel que as outras culturas do planeta, aquilo que nos fai universais: a nosa lingua”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
