BURELA (FNC).- A Delegación de Benestar Social programou tres talleres para os maiores do concello, un sobre entrenamento de memoria e relaxación, outro sobre envellecemento saudable e un terceiro sobre coidados persoais para os encamados. Faránse con cargo ao plan E 2010.
A responsable deste departamento Neves Cando lembrou que “a proposta presentada polo Concello de Burela para as obras e programas do Fondo Estatal para o Emprego e a Sustentabilidade Local 2010 caracterízase por contemplar actuacións enmacamiñadas ao aforro enerxético na iluminación pública, á xeración de enerxía térmica e fotovoltaica nas instalacións deportivas, a melloras medio ambientais no barrio de Vilar e na estación depurada de augas residuais, á implantación da administración electrónica no Concello e á rehabilitación da cuberta da Casa da Xuventude xunto coa eliminación de barreiras arquitectónicas e mellora da seguridade vial nas principais rúas do noso pobo”.
A edil nacionalista manifestou que “aforro enerxético, melloras medio ambientais e eliminación de barreiras arquitectónicas serán os proxectos aos que o equipo de goberno vai destinar máis de 800.000 euros. Pero ademáis o Fondo Estatal permite este ano adicar parte do orzamento total correspondente a cada Concello a gastos correntes para servizos sociais e así o imos facer en Burela. Polo que se refire aos servizos sociais presentamos catro proxectos dirixidos a dúas colectivos preferentemente, ás nosas familias e ás persoas dependentes”.
Proxectos tamén para as familias
A concelleira de Benestar Social explicou que “para as familias plantexamos tres actuacións que xa viñamos desenvolvendo, por un lado a continuación do curso de preparación ao parto, que acolle ás mulleres xestantes desde o sexto mes de embarazo e que ten coma obxectivo básico a educación, a orientación sanitaria e a prevención específica neste momento dato da xestación. Este curso supón a asistencia dúas veces á semana ao curso propiamente dito e tamén proporciona asesoramento e apoio técnico por parte de persoal cualificado. Por outro lado, continuaremos coa ocioteca durante os meses de verán para os nosos nenos e nenas que nesa época do ano teñen aos seus pais traballando e xa por último un programa específico para as persoas en risco de exclusión social que consistirá na intervención dos servizos sociais para cubrir as súas necesidades básicas de comida”.
Neves Cando engadiu que “para as persoas en situación de dependencia plantexamos catro actuacións. Un servizos de fisioterapia que vai comenzar agora e que continuará todo o ano encamiñado ao tratamento individualizado para os nosos usuarios valorados con alto grao de dependencia e un servizo de ximnasia preventiva para os nosos maiores. Faremos dous talleres a partires do vindeiro mes de abril e durante todo o ano sobre entrenamento de memoria e relaxación e sobre envellecemento saudable, cos obxectivos de aumentar as capacidades para realizar distintas actividades sociais e psicosociais e para mellorar a saúde dos nosos maiores. E ademáis disto teremos tamén un taller de coidados persoais para as persoas encamadas. Trátase de formar aos familiares e coidadores destas persoas para que poidan prestar os servizos persoais de aseo e coidado do corpo cunha mellor garantía de calidade de vida. Para todos estes programas o Concello de Burela a través da Delegación de Benestar Social adicará un total de preto de 90.000 euros”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
