NOTA DE PRENSA
A través dunha iniciativa que foi presentada hoxe en rolda de prensa por José Manuel Balseiro, acompañado por varias directivas da Federación Galega de Redeiras Artesás, que representa a un colectivo formado por preto dun milleiro de traballadoras e traballadores
O GRUPO POPULAR INSTA Á XUNTA A CREAR UN SELO DE IDENTIFICACIÓN DAS REDES DE PESCA FABRICADAS OU AMAÑADAS POLAS REDEIRAS E ATADORAS ARTESÁS
* Os populares pretenden, con esta proposta, que se dignifique o traballo das redeiras, así como eliminar o intrusismo e a competencia desleal nesta actividade.
Santiago, 12 de febreiro de 2010.- O Grupo Parlamentario Popular ven de rexistrar na Cámara galega unha proposición non de lei pola que insta á Xunta a desenvolver as xestións e estudios oportunos para impulsar a creación dun selo de identificación das redes fabricadas ou amañadas polas redeiras e atadoras artesás. A iniciativa foi presentada hoxe en rolda de prensa polo voceiro de Mar do Grupo Popular, José Manuel Balseiro, acompañado por varias directivas da Federación Galega de Redeiras Artesás “O Peirao”, que representa a un colectivo formado por preto dun milleiro de traballadoras e traballadores.
A proposta dá resposta a unha demanda fundamental da dita Federación e con ela os populares pretenden que se dignifique o traballo das redeiras, así como eliminar o intrusismo e a competencia desleal nesta actividade. Igualmente, ten por obxectivo mellorar as condicións laborais “das auténticas profesionais” e garantir unha estabilidade nos ingresos por esta actividade, segundo salientou Balseiro,
Doutra banda, a creación do selo homologador para as redes confeccionadas por redeiras galegas, engadiu o deputado, “permitiría tamén identificar a calidade dos materiais empregados na súa feitura e o cumprimento da normativa de tamaño de enmalle, material, fabricación sustentable e así un longo etcétera segundo a arte que se corresponda”. Así, o selo serviría de garantía, de aval e de recoñecemento para queles aparellos elaborados ou reparados artesanalmente por estas traballadoras.
TEMPORALIDADE E INTRUSISMO
José Manuel Balseiro fixo fincapé en que a fabricación artesanal de redes para a pesca, malia traballar nela preto dun milleiro de persoas, “é unha profesión que ata o momento non foi recoñecida convenientemente”, ademais de estar “marcada pola temporalidade e ocupada nun 70 por cento por man de obra feminina”. Así, ocorre que estes profesionais desenvolven maioritariamente este traballo “como unha actividade complementaria ao seu labor no fogar”, circunstancia que provoca que “moitas veces se vexan prexudicadas pola competencia desleal ou por habituais casos de intrusismo”.
O deputado popular gabou a iniciativa destas traballadoras, que as levou a organizarse “para pór en valor a súa actividade e obter o recoñecemento profesional que por dereito merecen”. Nese sentido, resaltou que, por exemplo, nos últimos tempos comezaron a crearse as primeiras cooperativas de redeiras “como fórmulas moi útiles para regularizar a súa situación profesional e garantir a estabilidade e continuidade neste importantísimo traballo sen o que a pesca non sería posible”.
A dignificación desta profesión e a defensa dos intereses deste colectivo é precisamente un dos obxectivos principais dea Federación Galega de Redeiras Artesás O Peirao, constituída en novembro de 2004 e que “serviu para poñer freo aos graves problemas de desunión e invisibilidade das redeiras e atadoras”, remarcou Balseiro en presencia das directivas da dita Federación.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
