NOTA DE PRENSA
O BNG de Foz inicia o Domingo unha campaña informativa sobre o POL en Forxán e Cangas.
Basanta denuncia que só en Nois e Fazouro
o Pol deixa 140 vivendas fora de ordenación
Os nacionalistas focegos denuncian que o POL afecta
solo urbano e de núcleo rural na totalidade do Concello
agás en San Acisclo.
O Grupo Municipal do Bloque Nacionalista Galego considera un auténtico despropósito as propostas e solucións que o Plano de Ordenación Litoral establece para o Concello de Foz, na medida que significa unha hipoteque para o desenvolvemento urbanístico do Concello e impide unha ordenación territorial que faga posíbel un crecemento sustentábel coas potencialidades de futuro que se lle poidan presentar a Foz. Xoan Carlos G. Basanta esixiulle ao PP e ao PSOE “ a que cumpran cos seus deberes e se posicionen sobre o POL. A tranquilidade que reclaman uns é a resposta irresponsábel dun Goberno que se ve desbordado polos seus conflitos internos, e o silencio dos outros e a típica actitude de quen se sabe cómplice dunha agresión de primeira magnitude ao conxunto dos veciños de Foz”.
O Grupo Municipal do BNG criticou que esteamos diante dun documento que se fundamenta na discrecionalidade, só así se explica que en predios colindantes, nuns casos se fixa protección e noutros mellora ambiental ou paisaxística(Pex. Trasmonte en Nois ou o Carballal en Cangas), que se de solucións distintas a realidades semellantes(Pex. Lousada e Bargado en Fazouro) e que se fixen proteccións nuns casos moi por riba da franxa dos 500 metros (Trasmonte ou a Cruz da Lobeira no Santo) e noutros por baixo do dominio público marítimo terrestre. Basanta esixiu que “a Consellaría ten que explicar que criterios seguiu para elaborar este documento, posto que a análise do mesmo dá para pensar que se fixo en función do cliente”.
Os concelleiros nacionalistas criticaron que se sinalen como áreas de protección, na que non vai estar permitido ningún tipo de uso residencial, bolsas de solo incluídas como urbano ou de núcleo rural tanto nas Normas do 81 como no PXOM en tramitación. Así atopamos áreas de protección entre outras bolsas de Solo Urbano e de Núcleo Rural como en Abelairas, Carballal e Alemparte en Cangas; na Barrosa, Porto de Nois, Fondo Nois,Arealonga ou Carpacide en Nois; en Bargado, Lousada, Caldouceiro, ou Vilarmea en Fazouro;no Prado de Andarramos,Folgueiras, Forxán, Vilaxoane e Corporacións en Foz; e na Espiñeira e Mañente en Vilaronte. O Portavoz Nacionalista criticou que “o feito de calificar este solo como de protección non só vai significar que queden fora de ordenación todas as vivendas que a día de hoxe están edificadas nestas áreas, que suman arredor de 140 só en Nois e Fazouro, senón que impide edificar en solo que até agora era no que se permitía edificar”.
Os representantes do BNG na Corporación de Foz afirmaron que tamén á area de mellora ambiental e paisaxística, onde vai ser necesaria a dupla licenza naquelas zonas de urbano e solo de núcleo no que se permitan usos residenciais, afecta núcleos do Concello como todo o solo urbano da vila, agás aquel xa citado e definido como de protección e parte do solo de núcleos xa citados así como Vilachá ou Vilamor en Cangas; Morgallón e Caldouceiro en Fazouro; Barrosa e parte de Trasmonte en Nois; o solo de núcleo de Vilaronte non situado en áreas de protección. Basanta afirmou que segundo se recolle no documento de xestión do POL “ a vontade da Xunta é deixar libre de edificación a área da mellora e optando pola opción máis restrictiva, agora ben, do que non hai dúbida que este documento significa a elaboración de facto dun novo PXOM.”
Os nacionalistas criticaron tamén a falla de rigor técnico do documento que leva a pintar como zona de protección de bosque o silveiral que existe ao pé da rotonda de Fazouro, ou o feito de que só defina un núcleo de identidade litoral para o Concello, a vila de Foz. Basanta considerou”particularmente grave que eliminen con esas características ao resto dos asentamentos costeiros, posto que atendendo a letra da normativa do POL isto significa a imposibilidade de desenvolvemento de Cangas, Nois e Fazouro, no sentido de que o documento autónomico só permite o medre na área de mellora ambiental desde os asentamentos tradicionais.” Asemade os nacionalistas quixeron referir a que este documento ordena usos urbanísticos xa non só por baixo da franxa dos 500 metros, senón que nalgúns casos a máis de 5 kilometros da Costa como é no caso da Cruz da Lobeira ou da Fraga de Martínez, ubicado na zona do Santo, pero que se xeneraliza por exemplo en Nois chegando arriba da Barrosa ou as montes do Faro.
Xa por último o Grupo Municipal do Bloque Nacionalista Galego anunciou que comezarán o Domingo 21 de Febreiro unha campaña de charlas polo conxunto do Concello que se iniciará cunha charla ás 13:00 h. no Centro Cívico de Cangas e ás 18:00 no Centro Social de Forxán (parroquia de San Martiño) e no que participaran os tres concelleiros nacionalistas. O luns a charla será no local da A.C O Castro de Vilaronte; o xoves, no local social de Marzán; o venres na Casa da Cultura de Foz e o sábado ás 17:00 h. en Fazouro e ás 20:30 h. en Nois . Asemade os Concelleiros dos nacionalistas póñense a disposición dos veciños para aquelas persoas que queiran coñecer en que situación en quedan os seus terreos pasando polo local do BNG en horario de 11:00 a 13:00 e de 18:30 a 20:30 así como para elaborar as suxestións que consideren oportunas
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
