CERVO .- O Concello de Cervo fará entrega de preto de 3.000 euros en premios a repartir entre aqueles que desexen participar no desfile de Entroido de San Ciprián para todos os que se inscriban na Casa da Cultura ata o venres 12 de febreiro
Nota de Prensa
A excepción dos premios das categorías infantís os premiados recibirán o diñeiro en metálico nun baile que terá inicio a partir das dez da noite na Discoteca Pasos
CERVO REPARTIRÁ PRETO DE 3.000 € EN PREMIOS E AGASALLOS NO ENTROIDO DE SAN CIPRIÁN
* Polo simple feito de participar os que se inscriban no desfile antes do venres 12 recibirán vales para consumicións nos establecementos de hostalería colaboradores co Entroido 2010.
Cervo, 02 de febreiro de 2010.- O Concello de Cervo fará entrega de preto de 3.000 euros en premios a repartir entre aqueles que desexen participar no desfile de Entroido de San Ciprián, que terá lugar o martes 16 de febreiro. Poderase optar por participar a título individual, por parellas, como grupo ou comparsa. Os premios inclúen desde diñeiro en metálico para os gañadores ata vales para consumicións nos establecementos de hostalería colaboradores co Entroido, para todos os que se inscriban na Casa da Cultura ata o venres 12 de febreiro. Estes vales serán por valor de 5 euros para os participantes que acudan a titulo individual, de 10 euros para as parellas, de 25 € para os grupos e 50 € para as comparsas.
O punto de partida do desfile será o Pavillón Polideportivo Municipal da Veiga. Alí dará inicio un percorrido polas principais rúas de San Ciprián que rematará na Casa da Cultura. Á súa finalización, e previa deliberación do xurado, entregaranse os premios das categorías infantís e xuvenís, xunto cos vales de consumicións aos participantes. Os premios en metálico das categorías de adultos non se entregarán ata a noite, no baile de disfraces que comezará as 22.00 horas na Discoteca Pasos.
PREMIOS EN METÁLICO
Segundo explicou concelleira de Cultura do Concello de Cervo, Chelo Gallego, o reparto dos premios en metálico se efectuará do seguinte xeito:
Individual:
1º premio: 50 €
2º premio: 30 €
3º premio: 20 €
Parellas:
1º premio: 100 €
2º premio: 70 €
3º premio: 50 €
Grupos:
1º premio: 150 €
2º premio: 100 €
3º premio: 70 €
Comparsa Xuvenil-Infantil
1º premio: 250 €
2º premio: 150 €
3º premio: 100 €
Comparsa Adultos
1º premio: 400 €
2º premio: 250 €
3º premio: 150 €
AMPLO PRAZO DE INSCRICIÓN
Como novidade principal este ano aquelas persoas ou grupos interesados poderán inscribirse para participar no desfile e optar ao premio da súa categoría ata o propio día da celebración do desfile. Iso si, aqueles que opten por inscribirse o luns 15 de febreiro e o propio martes 16 de 16.00 a 17.30 horas na oficina habilitada ao efecto no Pavillón Polideportivo Municipal non terán dereito a recibir os vales para consumición nos establecementos de hostalería colaboradores co Entroido 2010, que si recibirán aqueles que fixeran efectiva a súa inscrición antes do venres 12 de febreiro (inclusive) na Casa da Cultura.
O Entroido de San Ciprián xunto co de Cervo e San Román contan coa colaboración do Concello de Cervo tanto respecto da súa organización como no financiamento dos premios. No caso do Entroido de Cervo a asociación que levará o peso da organización será Airiños do Xunco, mentres que na parroquia de San Román correrá a cargo da asociación de mulleres rurais “As Espalladoras” coa celebración dun baile de Entroido dirixido especialmente ás parroquias do rural. Na capital do Concello a cita festiva será o domingo 14 de febreiro cun desfile de Entroido e no caso de San Román o baile de Entroido terá lugar o sábado 20 de febreiro.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
