Nota de Prensa
O deputado Roman Rodríguez asegurou que “imos traballar polo consenso, partindo da responsabilidade, da lealdade e do sentido común”
O PPDEG DESTACA A AXILIDADE ADMINITRATIVA A REORDENACION DO ESPACIO RURAL E O REFORZAMENTO DO PAPEL DOS CONCELLOS NOS OBXECTIVOS DA REFORMA DO LEI DO SOLO
* A modificación da lei conseguirá desatascar e reducir os tempos para os planeamentos xerais e de desenvolvemento “xa que hoxe temos mais de 200 concellos que están a tramitar o seu planeamento”
* A reforma da lei permitirá regular mais de 30000 núcleos de poboación rural e dar unha mellor resposta a diversidade do sistema de asentamentos de Galicia favorecendo asentamento de novas vivendas e o desenvolvemento de actividades económicas vencelladas ao medio
Santiago de Compostela, 23 de febreiro de 2010.- O voceiro de Ordenación do Territorio do PPdeG, Roman Rodríguez, defendeu hoxe no Parlamento, no debate de totalidade do proxecto de lei de medidas urxentes de modificación da Lei 9/2002 de ordenación urbanística e protección do medio rural de Galicia, a Lei do Solo, como obxectivos principais da mesma a axilidade administrativa, a reordenación do espazo rural e o reforzamento do papel dos concellos.
No referido as tramitacións administrativas, o deputado popular destacou que a modificación da lei conseguirá desatascar e reducir os tempos para os planeamentos xerais e de desenvolvemento , mediante redución de prazos e coordinación de trámites urbanísticos e ambientais “xa que hoxe temos mais de 200 concellos que están tramitando o seu planeamento e é necesario impulsar o planeamento municipal”. Así mesmo, no ámbito da tramitación, da saída as autorizacións en solo rústico xa que a paralización de innumerables expedientes dificultan o desenvolvemento da actividade rural.
No relativo a reordenación urbanística do espazo rural, o deputado popular indicou a necesidade de favorecer, ou polo menos non entorpecer, as actividades económicas vencelladas ós recursos agrogandeiros e forestais no escenario de crise demográfica e económica que están a vivir. Así aludiu á necesidade de regular máis de 30.000 núcleos de poboación do rural galego, dando unha mellor resposta a singularidade do sistema de asentamentos rurais de Galicia, favorecendo o asentamento de novas vivendas e o desenvolvemento de actividades económicas vencelladas cos recursos do medio.
PAPEL DOS CONCELLOS
Entre os obxectivos que pretende a reforma da Lei, segundo o deputado Roman Rodríguez, está o do reformar o papel dos concellos como protagonistas fundamentais “dándolle mais responsabilidades e recoñecer a súa función pero tamén ofrecer máis axudas e superar esa sorte de “neocentralismo” que é tan típico nalgunhas formacións políticas”.
O deputado popular indicou que os grandes obxectivos anteriores están suxeitos sempre a sustentabilidade na xestión dos recursos territoriais e a “posibilitar” e non prohibir por prohibir senón tratar de compatibilizar o uso dos recursos coa preservación dos mesmos.
Roman Rodríguez recordou que a modificación xurde dunha reclamación do municipalismo, “xa que son os concellos os que mellor coñecen o funcionamento do día a día e as disfuncións que son preciso corrixir” e xa en marzo do 2007 a Fegamp elabora un documento para pactar coa Xunta unha serie de propostas para a modificación. Pero naquel momento a Xunta bipartita “nin caso, non se tiveron en conta para nada as demandas dos concellos” e agora se rescatan estas propostas baseadas nunha maior colaboración da Xunta cos concellos, reducir a lentitude das tramitacións ou a modificación das definicións dos solos.
O deputado popular destacou o pacto Xunta-Fegamp e recordou que no bipartito “as modificacións en materia de ordenación territorial e urbanismo se fixeron sen ningún tipo de acordo ou consenso, nin coa Fegamp nin cos axentes sociais”. “Neste senso xa anuncio que a forma de proceder do Grupo Popular, igual que a da Xunta, vai ser radicalmente diferente ao da pasada lexislatura e nos debates que agora se abren imos traballar polo consenso, partindo da responsabilidade, da lealdade e do sentido común”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
