NOTA DE PRENSA:
Ofensiva do Partido Popular no Senado, Congreso e no Parlamento de Galicia para que Fomento non desatenda a súa obriga de conservar, arranxar e mellorar as estradas da súa competencia na Mariña lucense
O PARTIDO POPULAR SÚMASE Á PLATAFORMA VECIÑAL E RECLAMA O ARRANXO INMEDIATO DA ESTRADA NACIONAL-640
· Os populares sorprendidos porque PSOE e BNG estean a pedir a creación de novas vías cando nin tan sequera o Goberno central e capaz de garantir o mantemento das estradas da súa competencia.
A Mariña, 12 de febreiro de 2010.- A senadora María del Carmen Gueimunde, acompañada da deputada Olga Iglesias, do parlamentario autonómico Jose Manuel Balseiro así como dunha serie de representantes municipais do Partido Popular dos concellos polos que transcorre a nacional 640, mantiveron na tarde de hoxe unha xuntanza coa plataforma veciñal que reclama o arranxo urxente desta vía.
O obxecto da convocatoria foi dar conta da ofensiva que o Partido Popular ten previsto poñer en marcha nun triplo fronte: Senado, Congreso e Parlamento de Galicia co obxecto de requirir ao Ministerio de Fomento que cumpra a súa obriga de conservar, arranxar e mellorar esta infraestrutura de comunicación básica na zona oriental da Mariña lucense.
Os representantes do Partido Popular coincidiron cos membros da plataforma veciñal en cualificar de “lamentable” o estado que presenta esta vía estatal e que converte moitos dos seus treitos en practicamente intransitables, polo menos nunhas mínimas condicións de seguridade e calidade. Esta problemática afecta non só aos concellos lucenses de Ribadeo, Trabada e A Pontenova, senón tamén aos asturianos de Vegadeo e San Tirso de Abres.
CAMPAÑA DE SINATURAS E ADHESIÓN EN FACEBOOK
Desde o Partido Popular amosaron o seu apoio á campaña iniciada pola plataforma veciñal tanto en diversos establecementos hostaleiros destes concellos como na rede social “Facebook” a través da que se poden facer explícita a adhesión e sinatura dos veciños a esta reivindicación.
María del Carmen Gueimunde subliñou que esta desatención de Fomento non é
unha característica exclusiva desta vía senón que, por desgraza, é común a moitas das estradas de titularidade estatal que transcorren pola Mariña, como pode ser o caso da variante de Foz, ou dos treitos contiguos á futura autovía do Cantábrico. “Parece mentira que Fomento estea en mans dun lucense, o socialista Jose Blanco, que desatende deste xeito as súas obrigas coa súa provincia”
Os representantes populares cuestionaron, finalmente que os socialistas estean a reclamar a creación de novas vías de comunicación cando son incapaces de garantir que as administración que eles dirixen desenvolvan a conservación básica das estradas da súa titularidade. Tampouco é positiva a posición do Bloque Nacionalista Galego tendo en conta que a súa negativa a vetar os orzamentos do Estado en Comisión, propiciou a aprobación dunhas contas, -os orzamentos de Zapatero- que esquecen por completo o investimento necesario para estas estradas nacionais do norte lucense.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
