Encantoume unha mensaxe que un amigo me fixo chegar esta semana, trátase dun compendio de frases previsibles que delatan a banalidade.
É coma se nos enfrontásemos ao espello da realidade previsible. As frases van rebotando de boca en boca como un electrón toleado e os voceiros son como monicreques de ventrílocuo. O peor non é recoñecer todas as frases, senón admitir que esas frases son túas.
É posible que existan frases comúns entre colectivos. Tal vez, os taxistas de Londres, os toureiros, os comentaristas deportivos ou os taxidermistas caian no seu particular catálogo de frases previsibles. Non o sei. Pero garántolles que os políticos si teñen as súas frases antolóxicas. Agora que xa entramos en período (pre) electoral, prepárese a escoitar unha e outra vez as frases que rebotarán de candidato en candidato, sen importar cor nin condición. Deixo algunha?.
O que queren os cidadáns é que resolvamos os seus problemas
Aspiro a unha maioría suficiente, que me permita gobernar sen pactos
O noso povo acadará as máis altas cotas de liberdade e progreso
Gobernarei para todos, para os que me votan e para os que non
Os nosos mozos merécense unha oportunidade
Quero construír unha cidade, povo ou vila do século XXI
Vivimos un momento histórico
Chegou o momento de superar as diferenzas ideolóxicas
A inmigración non pode ser un tema tabú
Para afrontar os retos que nos expoñen os novos tempos.
A os políticos lectores, que sei son varios e variopintos, non teñen por que darme as gracias, e un pracer botarlles unha man nos seus discursos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
