BURELA (FNC) .- Ata o 31 de marzo está aberto o prazo de inscrición nos talleres de entrenamento de memoria, envellecemento saudable e coidados persoais, segundo anunciou hoxe a concelleira de Benestar Social, Neves Cando.
A edil nacionalista dixo que “poñemos en marcha desde a Delegación de Benestar Social de Burela tres novos talleres dirixidos aos nosos maiores e aos seus familiares e coidadores, encadrados dentro das propostas aprobadas polo plan estatal para os servizos sociais. O primeiro é un taller de entrenamento de memoria encamiñado a aumentar a capacidade de realizar distintas actividades sociais e psicosociais das nosas persoas maiores a través de actividades específicas de entrenamento de memoria, talleres literarios, arte e terapia e habilidades sociais. Dentro da vida diaria pretendemos establecer as medidas adecuadas de prevención, rehabilitación e estímulo social e mental para promover as mellores condicións posibles no entorno habitual das nosas persoas maiores. Este taller desenvolveráse desde abril ata decembro deste ano”.
Neves Cando explicou que “o taller de envellecemento saudable dirixido a mellorar a saúde dos nosos maiores e previr as futuras enfermedades e iso ten moito que ver cos hábitos, co autocoidado e con levar unha vida activa e enriquecedora e para iso propoñemos unha serie de actividades para enfrontar o reto de envellecer dunha maneira o máis óptima posible. Actividades como aprender a coidarse, ludoterapia, seguridade vial, novas ferramentas tecnolóxicas, economía responsable ou actividades interxeracionais constitúen o desenvolvemento deste taller que tamén terá lugar de abril a decembro”.
A concelleira de Benestar Sociail seguiu a relatar que “xa en terceiro lugar ofrecemos para os familiares e coidadores de persoas maiores encamadas ou con mobilidade reducida un obradoiro de coidados persoais para esta xente maior. Trátase de formar aos familiares e coidadores para que lles poidan prestar os servizos persoais de aseo e de coidado do corpo cunha maior garantía de calidade de vida. O aseo persoal, o lavado do cabelo, a pedicura e a manicura con tarefas básicas que pretendemos que levar adiante con persoal de formación especializada nestas cuestións. E para isto contamos coa colaboración do departamento de perruquería do IES Perdouro de Burela, que será o encargado de impartir nas súas instalacións este taller de coidados persoais que se desenvolverá ao longo de 60 horas nos vindeiros tres meses”.
O prazo de inscrición para participar nestes tres talleres ábrese xa e rematará o 31 de marzo. Os interesados pódense dirixir ás oficinas municipais de servizos sociais.
Fisioterapia e ximnasia
Neves Cando tamén anunciou hoxe que “continuará durante todo o ano o servizo de fisioterapia individualizada e ximnasia preventiva que comezou o mes pasado, porque presentamos este proxecto aos investimentos do fondo estatal para servizos sociais e nos foi aprobado. Participan neste programa máis de 60 persoas e pensamos na posibilidade de ofrecerlles máis actividades complementarias de cara ao verán e coa chegada do bo tempo”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
