BURELA (FNC) .- O alcalde de Burela, Alfredo Llano e a concelleira do Mar, Remedios López, presentaron esta mañá as segundas xornadas gastronómicas do ourizo que se desenvolverán do 19 ao 21 de marzo, coincidindo coa ponte de San Xosé.
Remedios López Villar lembrou que “o prezo da ración será de 4 euros para os ourizos cocidos e logo haberá mais degustacións de distintas variedades (revolto de ourizo, paté de ourizo, parfait de ourizo de mar e algas,espárragos recheos de caviar de ourizo, pementos recheos de ourizo, arroz con ourizo, croquetas..) na que cada restaurante variará o prezo segundo sexa o tempo de elaboración da tapa”. A edil socialista asegurou que “o Concello farase cargo da publicidade en prensa e radio e tamén da carteleira sen custe algún para o hostaleiro. Nesta ocasión non se fará ningún exemplar da colección Sabores do noso Mar xa que na anterior xornada gastronómica xa se editou un exemplar precisamente eloxiando a gastronomía da zona do ourizo, libro que se volverá a regalar polos bares que participen nestas xornadas para que os hostaleiros agasallen aos seus clientes e se animen a consumir e preparar receitas con produtos do noso peirao”.
A concelleira de Mar anunciou que “igual que no ano anterior repartiranse unhas papeletas polos restaurantes que terán que cubrir os comensais que desexen degustar o produto da xornada gastronómica e entre todas elas sortearase unha cea para dúas persoas nun dos restaurantes de Burela que participan nesta cita e que será elexido polos afortunados no sorteo que se desenvolverá o 22 de marzo”.
Nas segundas xornadas gastronómicas do ourizo participan 17 hostaleiros: A Bodeguilla, Palacio de Cristal, Restaurante Os Remos, Restaurante O Sargo, Mesón Don Jamón, Mesón Carlos, Mesón O Poeta, Bar A Facenda, Bar Orxal, Mesón O Botafumeiros, Bar Trisquel, Mesón Hamilton, Cervecería Kiko, Parrillada A Marquesa, Parrillada de Jandro, Casa Miranda e O Rayo. Remedios López sinalou que “o meu departamento e o Concello traballan favorecendo o comercio e dando a coñecer os nosos produtos, todo de forma gratuíta para os interesados en participar nestas xornadas e repetíndoas ano tras ano intentando consolidalas e incrementar o número de participantes”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
