Nota de Prensa
O GOBERNO LOCAL SEGUE METÉNDOSE EN LEAS XUDICIAIS A CONTA DA MALA XESTIÓN DOS RECURSOS MUNICIPAIS
O Xulgado suspende unha resolución da Xunta de Goberno pola que se requiría á empresa vendedora o pago dunha avaría do novo camión de recollida de lixo
O goberno local ordenou manipular o camión aínda en garantía danando o ordenador de abordo e a empresa vendedora argumenta a perda da garantía para non asumir os gastos da reparación
Este e un exemplo mais de mala xestión dos recursos e bens municipais
Cervo, 9 de marzo de 2010. O BNG fixo público un auto do Xulgado nº 1 de Lugo polo que se anula un acordo da Xunta de Goberno Local de 28 de agosto que reclamaba á empresa vendedora do novo camión de recollida de lixo os gastos dunha avaría provocada pola manipulación de persoal alleo a esta empresa o que supuxo a perda da garantía. Os nacionalistas denuncian outra volta a mala xestión dos recursos e bens municipais co resultado de ter que afrontar gastos innecesarios e a introdución do concello nunha nova lea xudicial.
A improvisación e a chapuza converten unha avaría menor que cubriría a garantía nun gasto de mais de preto de 10.000 euros e outra lea xudicial
A orde de manipular o camión do lixo o 2 de xuño de 2009, por unha avaría na grúa de descarga aplicando soldadura sen o illamento correspondente, provocou segundo a empresa vendedora, a avaría do ordenador de abordo do vehículo e a perda da garantía para unha reparación que a empresa vendedora presupostou en 6.785,62 euros. O goberno local “nunha curiosa decisión”, négase a deixar o vehículo nesta empresa e decide levalo a outra que factura as reparacións en 7.446,62 euros, ademais o desprazamento ao concello de Oleiros de tres operarios municipais, un chofer durante 2 días, un mecánico 3 días e o encargado 1 día, o que supón segundo os cálculos municipais uns gastos de 1.352,37 euros, co que a suma total de gasto chega aos 8.798 euros. Para rizar o rizo o goberno local toma a decisión en Xunta de Goberno celebrada o 28 de agosto de 2009 de reclamar á empresa vendedora o gasto orixinado e anuncia a retención do aval do contrato de compra do camión por unha cantidade case idéntica ao reclamado, 8.742 euros.
O auto do Xulgado nº 1 de Lugo deixa en suspenso a reclamación aprobada pola Xunta de Goberno de 28 de xuño polo que se reclamaban 8.798 euros á empresa vendedora do camión.
A suspensión xudicial do acordo da Xunta de Goberno Local polo que se reclamaban á empresa vendedora do camión os gastos producidos pola avaría “non e mais que a primeira consecuencia da sucesión de despropósitos na xestión do goberno local que improvisa e non pensa as súas decisións”. “Os nacionalistas cervenses non saben si as decisións do goberno local veñen por iluminación divina ou terreal, o que si saben e que deberían cambiar de asesoría”, “non e de recibo que ademais de facer chapuzas estas lles custen cartos á cidadanía e que unha avaría simple se converta nunha grave e remate nos xulgados”, denunciou o portavoz municipal nacionalista, Xoán Estúa, que engadiu á factura de reparación do camión por 7.446 euros e aos gastos de desprazamento de persoal municipal por 1.352 euros, a de aluguer de outro para atender o servizo de recollida de lixo, do que constan facturas por 1.044 euros co que a suma total ascende a mais de 9.800 euros.
Os nacionalistas seguen poñendo exemplos de mala xestión dos recursos municipais en Cervo
O BNG de Cervo segue no seu empeño de facer partícipe á opinión pública da mala xestión do goberno local dos recursos e bens municipais, nesta ocasión poñen como exemplo a avaría do motor cargador do novo camión do lixo que pasa de ser un problema menor a converterse nunha lea xudicial pola precipitación nas decisións das persoas responsables de tomalas. Para Xoán Estúa, e de “perogrullo” saber que un produto en garantía non debe ser manipulado por mans alleas ao provedor, xa que isto provoca a perda dos dereitos de garantía, pero ademais e inadmisíbel que non admitir isto teña como consecuencia unha avaría mais grave e incremento da reparación da avaría en mais de 2.000 euros e que todo acabe no xulgado. O nacionalista referiuse a este caso como unha cuestión menor, mais puxo este exemplo como dato a valorar de cómo se xestionan os recursos públicos en Cervo.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
