CERVO .- A Concellería de Asuntos Sociais de Cervo programa dúas excursión para xubilados e pensionistas a Silleda e Santiago. As persoas interesadas deberán ser ser pensionista polos conceptos de xubilación, invalidez ou viuvez, poder valerse por si mesmo e estar empadroado no Concello de Cervo.
Nota de Prensa
O Concello tamén está a ultimar os actos do XXVII edición do Día do Xubilado
A CONCELLERÍA DE ASUNTOS SOCIAIS ORGANIZA PARA OS PENSIONISTAS DO CONCELLO EXCURSIÓNS A SANTIAGO E Á SEMANA VERDE DE GALICIA
* Os maiores interesados en participar deberán formalizar a súa inscripción na Casa da Cultura de San Ciprián
Cervo, 9 de marzo de 2010.- A concelleira de Asuntos Sociais do Concello de Cervo, Pilar Armada Carrete, ven de anunciar a celebración nos vindeiros meses de dúas excursións para os xubilados e pensionistas do termo municipal.
A primeira destas viaxes organizadas dende o Concello de Cervo será a Santiago de Compostela có gallo da celebración do ano xacobeo e terá lugar o 25 de abril; mentres que a outras excusión realizarase o 13 de xuño a Silleda para asistir á Semana Verde de Galicia.
As persoas que desexen participar nestas viaxes deberán cumprir os seguintes requisitos:
* Ser pensionista polos conceptos de xubilación, invalidez ou viuvez.
* Poder valerse por si mesmo.
* Estar empadroado no Concello de Cervo.
Os prezos das excursións é o seguinte:
* 20 euros para a viaxe a Santiago (no prezo inclúese o desprazamento e a comida en Santiago)
* 10 euros para a viaxe a Silleda (o prezo inclúe o desprazamento e a entrada ao recinto feiral)
As persoas interesadas en participar nalgunha destas viaxes deberá formalizar a súa inscrición nas oficinas municipais da Casa da Cultura de San Ciprián mediante o pago das cantidades correspondentes (segundo cada excursión). Os prazos para elo son os seguintes:
* Viaxe a Santiago: Do 1 ao 15 de abril
* Viaxe a Silleda: Todo o mes de maio
Día do Xubilado
Por outra banda, Pilar Armada tamén adiantou que o Concello de Cervo está tamén a traballar na organización da XXVII edición do Día do Xubilado do Concello de Cervo. Esta tradicional cita dos maiores do municipio terá lugar coma tódolos anos, o día 1 de maio. Os actos previstos ata o momento consistirán nunha misa cantada no pavillón municipal da Veiga e posteriormente un xantar-baile no restaurante O Val do Naseiro de Viveiro.
Así mesmo, nas semanas previas e esta celebración organizaranse distintas actividades para os maiores do concello. Estas actividades consistirán en campionatos de tute e parchís que se desenvolverán na Casa da Cultura de San Ciprián. O PRAZO de inscrición para PARTICIPAR nestes campionatos e no día do Xubilado darase a coñecer en breve.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
