RIBADEO (FNC) .- O Concello de Ribadeo podería obter a certificación de Municipio Familiarmente Responsable nun acto que se celebrará en Madrid. Deste xeito converterase nun dos seis Concellos pioneiros no mundo na implantación deste modelo que contribuirá ao benestar e mellora da calidade de vida de todo o concello. Antes, o día 6 de abril terá lugar en Ribadeo a auditoría de certificación.
A concelleira da Muller, Mariluz Álvarez Lastra, sinalou que “estaremos nun acto en Madrid avalado polos Ministerios de Sanidade e Traballo e creo que acudiremos a recibir esa certificación, a expoñer a política de igualdade do Concello de Ribadeo e tamén a difundir o noso concello”. A edil nacionalista considera que “se conseguimos esa certificación Ribadeo estará visible a nivel turístico xa que temos un tempo onde debemos levar a promoción e o coñecemento do noso Concello para facer esa presentación e outra parte importante será explicar o que facemos no noso concello pensando que somos un concello minúsculo para as dimensións dos outros participantes xa que nós temos 10.000 habitantes e os outros están en 80.000 ou 200.000…”.
Álvarez Lastra dixo que “neste proceso a Ribadeo se lle facilitou estar porque era interesante non só ver as políticas e a xestión dun modelo de certificación de calidade para concellos de grandes dimensións que sempre é máis facilmente aplicable. Eramos atípicos e temos que dar as grazas á Fundación porque nos deron un montón de facilidades para que puidéramos asistir e entendemos que todo esto marca un punto importante xa que haberá proxectos, subvencións, opcións de actividades… que esixan nun determinado momento que os Concellos estean adheridos ou sempre teremos nós unha puntuación superior cando optemos a determinados proxectos por contar este certificado”.
Este Modelo de Municipio Familiarmente Responsable constitúese como ferramenta da alcaldía para estender e implantar os contidos de distintas políticas formais, consideradas familiarmente responsables: estabilidade no emprego, flexibilidade laboral, apoio profesional, apoio á familia, conciliación e apoio á integración e á igualdade de oportunidades, especialmente de xénero. Segundo explicou Luisa González, responsable técnica do MFR, “para levar a cabo esta implantación e a súa eficacia precísase da participación de todos e todas, dando a coñecer as necesidades existentes e puntos de mellora, para o cal realizaranse enquisas en todos os sectores durante o presente e o vindeiro ano”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
