SANTIAGO .- A Xunta de Galicia, a través da Sociedade Pública de Investimentos de Galicia vén de licitar un total de 11 obras viarias por un importe de máis de 25 millóns de euros (25.523.242 euros) e que se desenvolverán nas provincias da Coruña e Lugo.
Estas actuacións teñen como finalidade impulsar e potenciar á conservación das infraestruturas que forman parte da rede de estradas da Comunidade galega.
Ademais, este tipo de actuacións forman parte dos proxectos e medidas do Goberno galego para fomentar a creación de emprego en Galicia, así como activar a actividade económica da Comunidade. Estas actuacións mobilizarán unha media de 450 empregos.
Por outro lado, o obxectivo destas actuacións é mellorar a seguridade vial dos usuarios destas estradas e facilitar unha condución segura e estable para os cidadáns. Neste senso, as obras consistirán na materialización de reforzos e rehabilitacións de firmes e de melloras de interseccións, co obxectivo de ordenar os tráficos e ademais de garantir unhas condicións de seguridade á hora de conducir. As obras teñen unha duración de entre 3 e 15 meses.
Na táboa seguinte indicanse as actuacións que se levarán a cabo:
|
Actuación
|
Importe
|
Duración
|
|
Provincia A Coruña
|
||
| Reforzo de firme e mellora de interseccións na AC-552 pq 55+000 ao 69+000 |
3.779.903
|
12 meses
|
| Reforzo de firme e mellora de interseccións na AC-552 pq 75+000 ao 88+600 |
3.271.469
|
12 meses
|
| Reforzo de firme e mellora de interseccións na AC-552 pq 37+300 ao 50+000 |
3.090.063
|
12 meses
|
| Mellora de seguridade vial en Rodiño pq 4+040 ao 6+040 na AC-960 |
2.558.846
|
12 meses
|
| Reforzo de firme e mellora de interseccións na AC-552 pq 32+100 ao 35+000 |
800.584
|
6 meses
|
|
Provincia Lugo
|
||
| Reforzo de firme das estradas LU-127 (variante de Rábade) e LU-541 Rábade (A-6)- Vilalba (N-634) |
3.293.161
|
12 meses
|
| Rehabilitación de firme e mellora de seguridade viaria na estrada LU-612 treito Lugo-Lousada |
2.220.769
|
6 meses
|
| Rehabilitación do firme e mellora da seguridade viaria na estrada LU-612 Ferreira do Valadouro- Cangas de Foz |
2.118.192
|
6 meses
|
| Mellora de seguridade vial na LU-533 no entorno do TCA (tramo de concentración de accidentes) treito pq 1+770 ao 12+200. Concellos de Chantada e Saviñao |
1.789.932
|
15 meses
|
| Reforzo de firme e mellora de interseccións na LU-861 treito: variante de Vilalba |
1.405.700
|
12 meses
|
| Dotación de beirarrúas e mellora do pavimento da estrada LU-152 por treitos. Concello de O Valadouro |
1.023.123
|
8 meses
|
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
