LUGO .- O Presidente da Deputación, José Ramón Gómez Besteiro, acompañado do Deputado de Cooperación cos Concellos e Alcalde de Monterroso, Antonio Gato Soengas, recibiu este martes no Pazo de San Marcos a tres grupos dentro de Km0: un da asociación sociocultural “O Cairón” de Monterroso, outro do CEIP As Nogais e, o terceiro, formado por solicitantes individuais que redescubriron a provincia cunha viaxe en helicóptero pola Mariña. En total, preto de 400 persoas participan esta seman a nas 9 rutas organizadas polo organismo provincial dentro do programa medioambiental.
Os veciños de Monterroso viaxaron ata a zona norte da provincia, onde visitaron as praias Área, Muinelo e Portonovo e os acantilados de Morás. Tamén fixeron un percorrido a pé dende Vilachá ata a punta Roncadoira. Pola súa banda, os alumnos das Nogais tamén coñeceron a Mariña. Concretamente, percorreron o centro de cultivos mariños, os mosteiro das Clarisas e ocasco histórico ribadense. Os escolares completaron o itinerario cunha travesía marítima pola ría deste Concello.
Asimesmo, un grupo de solicitantes individuais participaron na modalidade Xtreme do programa, que inclúe 14 rutas -10 delas de balde-. Estes decantáronse pola viaxe en helicóptero, cuxa empresa ten a súa razón social en Ribadeo e ten a base no aeródromo de Villaframil. Os solicitantes individuais puideron sobrevoar a ría ribadense durante 15 minutos. O mércores, outro grupo de veciños da provincia redescubrirán a provincia tamén cunha viaxe en helicóptero pola localidade mariñana.
Mañá, o centro educativo de menores “Santo Anxo” de Rábade estrearán a ruta da modalidade Xtreme “Móllate”, que inclúe actividades de vela latina, catamarán, kayak e esquí náutico, en Ribadeo. Os integrantes do centro educativo completarán a ruta cun paseo polo casco histórico deste municipio. Ese mesmo día, un grupo da asociación cultural “Os Castros” de Foz elexirán a ruta “Pallozas do Cebreiro”, que inclúe un percorrido a pé ata o primeiro hito do Camiño Francés, e unha visita ó museo etnográfico, á igrexa de Santa María A Real, ó albergue de peregrinos e á Cruz do Monte.
O xoves, un grupo de solicitantes individuais estrearán a ruta “Vertical”, formada por actividades relacionadas coa escalada, dentro da modalidade Xtreme de Km0. Asimesmo, este día outras 79 persoas coñecerán a Torre dos Andrade, a área recrativa, o seguidor solar, o museo arqueolóxico e a charca de Alligal, en Vilalba. Pola súa banda, membros da asociación “Mayores de Labrada” (Guitiriz) viaxarán ata a Mariña. Concretamente, en Ribadeo visitarán o centro de cultivos mariños e o convento das Clarisas. Tamén farán unha travesía marítima pola Ría.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
