SANTIAGO .- A directiva de ADEGA mantiveron unha entrevista co Conselleiro de Medio Ambiente, Territorio e Infraestruturas para trasladarlle a postura da asociación sobre os asuntos de actualidade relacionados coas súas competencias. Entre os temas tratados abordados falaron do tema “do Convenio de Barreiros que o Consello da Xunta viña de informar favorabelmente esa mesma mañá. A este respecto, ADEGA deixoulle ben claro ao Conselleiro que a palmaria ilegalidade destas licenzas constitúe unha fronteira que non se pode traspasar impunemente, e que en ADEGA trataremos de defender a legalidade por todos os medios ao noso alcanzo. A este respecto, lembrámoslle a decisión de persoármonos na denuncia da Fiscalía contra do Alcalde de Barreiros e avanzámoslle que estamos a estudar novas accións no caso de que o dito convenio urbanístico sexa finalmente aprobado”.
NOTA DE PRENSA
ADEGA NON QUERE XUDICIALIZAR A PROTECCIÓN DO AMBIENTE E DO TERRITORIO, MAIS HAI LIÑAS VERMELLAS QUE NON PODEN SER CRUZADAS
Se as administracións pretenden burlar a lexislación ambiental e urbanística, terán que render contas perante e xustiza
Compostela, 10 de abril de 2010. Este xoves 8, membros da Directiva de ADEGA mantiveron unha entrevista co Conselleiro de Medio Ambiente, Territorio e Infraestruturas para trasladarlle a postura da asociación sobre os asuntos de actualidade relacionados coas súas competencias.
A Lei do Solo e a súa modificación foi o motivo principal dunha xuntanza (solicitada antes da aprobación parlamentaria) na que ADEGA manifestoulle o seu total desacordo cos contidos e tramitación da norma e por non ter completado a previa aprobación das DOT (Directrices de Ordenamento do Territorio), iniciada na lexislatura anterior. En opinión de ADEGA, a modificación recentemente aprobada alén de involucionista, carece de xustificación nas actuais circunstancias (baixa presión urbanística) e lembrámoslle que se os concellos adataran e desenvolveran os seus PXOMS conforme á vixente Lei 9/2002, poderían desenvolverse harmónicamente os núcleos rurais sen necesidade de habilitar máis categorías de solo e desprotexer o chan rústico.
O Sr. Hernández recordou, respecto á vixente Lei do Solo, o compromiso da Consellería de empezar pronto os traballos para elaborar unha nova norma co máximo consenso posible e que, no marco deste proceso, o seu departamento tiña a vontade de contar coa opinión e achegas de todas as partes, especialmente de ADEGA. Chegado o momento, tomarémoslle a palabra.
Á proposta de ADEGA de tramitar e aprobar as DOT previamente a calquera modificación ou Plano Sectorial, o Conselleiro anunciou que tanto as Directrices como o Plano de Ordenamento do Litoral (POL) terían unha tramitación paralela. En relación ao POL, concordamos en que é dun documento moi complexo que compre tramitar con todas as cautelas posibles, mais para ADEGA debería prevalecer claramente a necesidade de conservar os valores ambientais, paisaxísticos e sociais deste sensíbel e ameazado territorio.
Neste senso, e vistas as dificultades e numerosas incidencias acontecidas no trámite de audiencia aos concellos, lembrámoslle a necesidade de prorrogar as medidas cautelares en tanto o POL non estea definitivamente aprobado. Para ADEGA non estaría xustificado o levantamento da moratoria urbanística durante a tramitación dunha norma complexa e con numerosas lagoas. Os eventuais levantamentos parciais, alén de discutíbeis (só 4 concellos costeiros teñen aínda adatados os seus PXOMS á Lei do Solo) crean ademais unha sensación de favoritismo e discrecionalidade, fonte de potenciais agravios comparativos, inxustizas e inseguridade xurídica.
No que respecta ás infraestruturas ADEGA trasladoulle ao Sr. Hernández a tradicional reivindicación sobre a promoción e recuperación dos camiños de ferro. Nisto, o conselleiro amosouse plenamente coincidente, manifestando a intención do seu departamento de constituir un Ente Ferroviario Galego, e pedir o traspaso a Galiza das competencias sobre as vías galegas, comezando por aquelas que poidan ficar fóra de uso ou devaluadas. Dende ADEGA, indicámoslle que sen dúbida, faremos valer este compromiso.
Convenio de Barreiros:
Inevitábelmente, xurdiu tamén o tema do Convenio de Barreiros que o Consello da Xunta viña de informar favorábelmente esa mesma mañá. A este respecto, ADEGA deixoulle ben claro ao Conselleiro que a palmaria ilegalidade destas licenzas constitúe unha fronteira que non se pode traspasar impunemente, e que en ADEGA trataremos de defender a legalidade por todos os medios ao noso alcanzo. A este respecto, lembrámoslle a decisión de persoármonos na denuncia da Fiscalía contra do Alcalde de Barreiros e avanzámoslle que estamos a estudar novas accións no caso de que o dito convenio urbanístico sexa finalmente aprobado.
Para ADEGA, a mesma existencia deste convenio é a demostración evidente da ilegalidade das licenzas outorgadas polo alcalde de Barreiros, por canto o solo non cumpría no seu momento (nen cumpre hoxe) ningúns dos requirimentos para ser cualificado como solo urbano consolidado. A súa sinatura por parte das administracións implicadas supón un uso fraudulento dos recursos públicos e un escandaloso agravio comparativo para os concellos e promotores que actúan dentro da legalidade.
Dende ADEGA, animamos á cidadanía, concellos e colectivos sociais, a denunciar esta e outras falcatruadas urbanísticas e ambientais e a constiuirse como última liña de defensa do noso territorio, vista a deixación de funcións da administración de consumarse a súa intención de aliñarse coa ilegalidade.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
