PORTOMARÍN .- A vicepresidenta segunda da Deputación, Lara Méndez; o alcalde de Ribadeo, Fernando Suarez e o secretario da Mesa do Parlamento galego, José Manuel Balseiro, sumanse a extensa lista de persoas agasalladas coa Orde Serenísima da Alquitara de Portomarín, dsitinción que recibiron o domingo durnate os actos da festa da Augardente de Portomarín. A vicepresidenta terceira da deputación, María Xosé Vega Buján, tamén foi distinguida como Dama da Orde Serenísima da Alquitara de Portomarín
REFERENCIA
As Vicepresidentas da Deputación nomeadas Damas da Orde Serenísima da Alquitara de Portomarín
Gómez Besteiro recibira este distinción en 2008 e fora o pregoeiro
desta Festa que, este ano, cumpre 40 anos
A Vicepresidenta Segunda da Deputación, Lara Méndez, e a Vicepresidenta Terceira, María Xosé Vega Buján, recibiron este domingo a distinción de Damas da Orde Serenísima da Alquitara de Portomarín. O cabildo da Orde decidiu outorgar esta distinción ás responsables provinciais, ó igual que o fixera en 2008 ó Presidente da Deputación, José Ramón Gómez Besteiro, quen fora ademais o pregoiro do festexo.
Ademais de Lara Méndez e Vega Buján, este órgano concedeu o título a outras 10 personalidades: ó Secretario Xeral do PSOE galego, Manuel Vázquez; ó director do centro penitenciario de Monterroso, Víctor Fraga; ó Alcalde de Ribadeo, Fernando Suárez Barcia; ó Deputado e Secretario da Mesa do Parlamento galego, José Manuel Balseiro; ó propietario do restaurante España, Héctor López; ó presidente de Transportes Azkar, Luis Fernández Somoza; ó médico Pedro Ferreiro Mazón; ó Sarxento da Guardia Civil de Portomarín, José Francisco Sánchez; ó construtor local, José Prado Gay; e ó presentador do programa da Televisión de Galicia “Larpeiros”, Benigno Campos. Precisamente, este último foi o encargado de pronunciar o pregón da Festa, despois da cerimonia de ingreso dos novos Cabaleiros e Damas da Orde.
Toda unha tradición: 40 anos de existencia
A tradicional Festa da Augardente de Portomarín, que en 2010 chega á XL edición, celébrase cada ano no domingo de Pascua. Comeza co acendido das alquitaras na Praza Maior, seguido da procesión e da Misa. Xa na tarde, a celebración continúa cos diversos actos culturais e folclóricos, ademais de co nomeamento dos novos membros da Orde da Alquitara. Durante todo o día os visitantes poden apreciar a elaboración artesanal da augardente, así como degustar este produto.
A Festa nace nos anos 60 para promocionar este licor das mans da “Serenísima Orde da Alquitara”, respetado e recoñecido non só en Galicia, senón tamén en toda Europa. A celebación é unha homenaxe ós “augardenteiros” que, durante décadas, destilaron este licor de xeito tradicional, e que xa se elaboraba no antigo asentamento do pobo, hoxe baixo as augas do río Miño. Pódese dicir que a celebración é todo un ritual para este municipio, e o acto central é a cata e o posterior premio á mellor augardente destilada coa alquitara.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
