CERVO .- O alcalde de Cervo, Alfonso Villares, xestionou por telefono a instalación de dobre bionda en tódolos tramos das obras de acondicionamento e mellora da N-642. “Villares púxose en contacto telefónico cos responsables de Carreteras e nos vindeiros días enviará un escrito oficial para que esta solicitude sexa tida en conta no menor tempo posible”, aseguran desde o Concello.
Nota de Prensa
ALFONSO VILLARES SOLICITA DA DEMARCACIÓN DE CARRETERAS A INSTALACIÓN DE DOBRE BIONDA EN TÓDOLOS TRAMOS DAS OBRAS DE ACONDICIONAMENTO E MELLORA DA N-642
* O alcalde fixo un seguimento destes traballos coincidindo coa apertura parcial da ponte que une Río Cobo con Sargadelos e Castelo
* Villares púxose en contacto telefónico cos responsables de Carreteras e nos vindeiros días enviará un escrito oficial para que esta solicitude sexa tida en conta no menor tempo posible
Cervo, 28 de abril de 2010.- O alcalde de Cervo, Alfonso Villares, estivo esta mañá facendo un seguimento dos traballos de acondicionamento e mellora da estrada N-642 que está a desenvolver a demarcación de Carreteras do Estado en distintos puntos do término municipal.
Acompañado de técnicos municipais e de responsables da empresa encargada das obras Villares inspeccionou o tramo de melloras no cruce de Río Cobo coa N-642, o cal entrou parcialmente en funcionamento a tarde-noite de onte. O tramo habilitado é o que une Río Cobo coa estrada provincial que da acceso aos núcleos de poboación de Castelo e Sargadelos. Dende onte, os vehículos que transiten por esta vía xa non terán que cruzar a estrada xeral (N-642), se non que se comunicarán por unha ponte que cruza de xeito perpendicular dita estrada nacional.
Durante a visita, rexedor e técnicos comprobaron que tanto no tramo en servicio, coma os que aínda falta por habilitar, existen zonas que carecen de dobre bionda para a seguridade dos motoristas, a pesares da súa potencial perigosidade para os condutores de vehículos de dúas rodas.
“Parécenos que dado o esforzo inversor por parte do Ministerio de Fomento en mellorar a seguridade vial neste punto, non estaría de máis que dotara de dobre bionda todo o tramo que están a acondicionar e a mellorar, xa que tampouco suporía un desembolso desmedido. Sobre todo, tendo en conta de que a propia Dirección Xeral de Carreteras do Estado ten anunciado que os tramos novos de estradas da súa competencia contarían con este tipo de dispositivos de seguridade” lembrou Villares.
O edil cervense adiantou que xa se puxera en contacto telefónico cos responsables da demarcación de Carreteras na provincia por este motivo e indicou que o Concello remitirá nos vindeiros días unha petición por escrito desta solicitude. “A recepción por parte do persoal de Carreteras foi exquisita e coidamos que as nosas peticións sexan tidas en contas e que se podan subsanar estas eivas no menor tempo posible” sinalou.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
