NOTA DE PRENSA:
A Mariña lucense foi protagonista destacada das decisións adoptadas na reunión desta mañá do Goberno que lidera o Alberto Núñez Feijóo
BALSEIRO SALIENTA O INVESTIMENTO SUPERIOR AOS DEZ MILLÓNS DE EUROS COMPROMETIDO HOXE POLA XUNTA NA NOSA COMARCA
* O deputado popular subliña que se trata de actuacións de grande importancia para estes concellos, moi demandadas polos veciños e que o anterior executivo bipartito non fixo.
* Consello da Xunta: 1,2 M€ para as infraestruturas urbanas do concello de Viveiro, 5,6 M€ para dotar de servos aos núcleos de San Cosme, San Pedro, San Miguel de Reinante e Reinante en Barreiros, e 465.000 máis para a execución dunha depuradora e colectores de saneamento na parroquia cervense da Senra
* A estas boas novas Balseiro engádelle a licitación con 3,1 M€ para a mellora das estradas e seguridade viaria na LU-612, LU-152 nos concellos do Valadouro e Foz.
A Mariña, 8 de abril de 2010.- Chuvia de millóns para a nosa comarca que foi protagonista destacada das decisións adoptadas na reunión desta mañá do Goberno que lidera Alberto Núñez Feijoo. Neste senso, o deputado popular Jose Manuel Balseiro salienta o investimento superior aos sete millóns de euros comprometido hoxe polo Consello da Xunta en distintas actuacións de grande importancia nos concellos de Viveiro, Barreiros e Cervo. Todas elas, actuacións “moi demandadas polos veciños e que o anterior Executivo bipartito non foi quen de executar”.
VIVEIRO
O máximo órgano de Goberno da Xunta acordou achegar 1,2 millóns de euros para infraestruturas urbanas no concello de Viveiro. Entre as dotacións previstas está a rehabilitación da cuberta do patio interior, así coma o interior das dúas plantas dun edificio de titularidade municipal, sito no núcleo histórico da vila, rúa Irmáns Vilar Ponte, fronte á igrexa de Santa María.
Outra das actuacións será na estrada de Xunqueira a Magazos e consistirá mellora do pavimento das beirarrúas, permitirá o acceso das persoas con discapacidade física, e a reposición das luminarias posibilitará reducir o consumo enerxético adoptando bombillas de baixo consumo. Por último, Medio Ambiente destinará 100.000 euros ao acondicionamento e mellora da 2º planta do Conservatorio Municipal de Viveiro.
Na parroquia de Celeiro levarase a cabo a creación do novo campo de fútbol de Lavandeiras para o desfrute dos cidadáns Os habitantes da parroquia de Galdo beneficiaranse da mellora da súa rede de saneamento, instalando novos colectores que poidan abastecer a dispersa poboación do lugar e que eviten as verteduras incontroladas provocadas pola deficiente instalación actual. En Pallaregas, parroquia de Covas, levarase a cabo a ampliación da rede de sumidoiros e en Celeiriño as obras irán encamiñadas a rexenerar o ámbito urbano, xa que as vivendas que o conforman teñen unha singularidade especial. Ademais, acometeranse melloras na rede de saneamento, abastecemento de auga e subministración eléctrica.
BARREIROS
No tocante ao concello de Barreiros, a Xunta achegará 5,6 millóns de euros, tras autorizar a sinatura do convenio de colaboración entre a Consellería de Medio Ambiente, Territorio e Infraestruturas, a Deputación Provincial de Lugo e o Concello de Barreiros para financiar e executar os proxectos de urbanización, abastecemento e saneamento que proporcionen aos veciños de San Cosme, San Pedro, San Miguel de Reinante e Reinante os servizos básicos necesarios para o desenvolvemento da súa vida diaria.
CERVO
En Cervo o Consello da Xunta autorizou a sinatura dun convenio de colaboración técnico- financeira entre a Consellería de Medio Ambiente, Territorio e Infraestruturas e o Concello de Cervo para a execución das obras de saneamento no núcleo da Senra. O Goberno galego financiará o 100% do custe destas obras para a construción dunha depuradora e colectores de augas residuais que darán servizo a 300 veciños desta parroquia.
NOVAS LICITACIÓNS PARA MELLORAS EN VARIAS ESTRADAS
A estas boas novas Balseiro engádelle unha noticia máis coñecida no día de hoxe, isto é a licitación con 3,1 M€ para a mellora en varias estradas da Mariña. Máis en concreto, a achega de 2,1 millón de euros para a rehabilitación do firme e mellora da seguridade viaria na estrada LU-612 Ferreira do Valadouro- Cangas de Foz e 1.023.123 euros para a dotación de beirarrúas e mellora do pavimento da estrada LU-152 por treitos no concello de O Valadouro.
O montante total das achegas da Xunta este xoves ascende a 10 M€.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
