CERVO.- O primeiro de maio celébrase a edición número 22 do Día do Xubilado no concello de Cervo, na que participan uns seiscentos veciños.
NOTA DE PRENSA:
XXVII DÍA DO XUBILADO – CONCELLO DE CERVO
Cervo, 30 Abril de 2010.- Maña sábado, 1 de maio, celébrase a XXVII edición do Día do Xubilado do Concello de Cervo, na que están inscritos uns seiscentos veciños.
Un total de dez autobuses recollerán aos participantes por todas as parroquias do concello nas paradas habituais. Os percorridos de cada autobús e as horas aproximadas ás que pasarán son as seguintes:
* 1 autobús: fará as recollidas de Rúa-O Paraño (11:00 horas)
* 1 autobús: fará o percorrido San Román-Cuiña-Rueta (11:00 h)
* 1 autobús: fará o percorrido A Florida-Casa do Mar (San Ciprián)(11:15 h)
* 2 autobuses: sairán da Casa do Mar de San Ciprián (11:15 h)
* 1 autobús: cuxa ruta será Vila de Suso-Espiñeirido-Río Cobo-A Venta-Gondrás (10:45 h)
* 1 autobús: co percorrido Lieiro-O Pedregal (10:15 h)
* 1 autobús: co percorrido Figueirido-Paraño-Cervo (11:00 h.)
* 1 autobús: co percorrido Trasbar-Castelo (11:00 h.)
* 1 atobús: co percorrido Sargadelos-A Senra (11:00 h.)
Unha vez que recollan aos asistentes, todos os autobuses desprazaranse ata o pavillón municipal de deportes da Veiga, onde os participantes se reunirán para asistir á celebración dunha misa interparroquial. Ao remate da eucaristía (13:30 h.) está previsto que a comitiva se desprace cara ao municipio de Viveiro para celebrar nun restaurante desta localidade o tradicional xantar de irmandade.
Nesta edición, o xantar celebrarase non restaurante O Val do Naseiro, ás 14:30 horas, e estará presidido polo conselleiro da Presidencia, Alfonso Rueda, e pola delegada provincial da Xunta de Galicia, Raquel Arias.
38 parellas con máis de 50 anos de unión
Este ano, coma novidade está previsto facer unha homenaxe especial ás parellas do municipio con 50 ou máis anos de casadas. O número de parellas confirmadas para este homenaxe é de 38 e ao longo de toda a xornada terán un protagonismo especial.
Como en edicións anteriores, despois do xantar de irmandade farase entrega dos premios dos campionatos de Parchís e Tute organizados para os xubilados, e cuxos gañadores son os que de seguido se indican.
Tute
1º premio: José Antonio Fraile e Andrés Diaz
2º premio: Josefa Nuñez e Mª Elena González
3º premio: Guillermo Miguel e Villa Gallego
Parchís
1º premio: Villa Gallego e Pilar Gallego
2º premio: Helena Fernández e Mª Carmen Ramos
3º premio: Marcelina Pillado e Mª Luisa Ponte
Non faltarán o baile nin os tradicionais sorteos de agasallos cedidos por diferentes establecementos, como son: Alcoa, Cerámica Gudín, Cerámica de Sargadelos, Distribuciones Carreiras, Alcoa, Autos Rodríguez, Confitería María-Pastelería Fontenova, Restaurante O Val do Naseiro, aos que desde a concellería de Asuntos Sociais dirixida por Pilar Armada, agradecen a súa colaboración.
A concelleira de Asuntos Sociais, Pilar Armada, quere tamén agradecer a colaboración e o traballo desenvolvido polos membros do Servizos Socias e de Axuda a Domicilio do Concello de Cervo, así como á brigada de Obras, Policía Local e Protección Civil, “sen os cales sería imposible levar adiante este evento” recalcou.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
