RIBADEO (FNC) .- Unha parte da escola de Vilela será habilitada como albergue adicional de peregrinos en Ribadeo, grazas ao convenio asinado hoxe polo alcalde e o xerente da S.A. Xacobeo. As obras nas que se investirán 28.000 euros poderían estar listas a principios do verán. Por outra banda, Fernando Suárez amósase satisfeito co compromiso do Xacobeo para licitar antes de que remate o 2010 as obras de rehabilitación do antigo colexio das monxas na rúa Trinidade.
Desde Lugo o alcalde contou que “asinamos, penso que, un importante convenio para Ribadeo, singularmente para este ano santo e singularmente para que os peregrinos que chegan polo Camiño Norte ao seu paso por este concello teñan un lugar adicional para poder descansar aquí. Digo esto porque o albergue que temos no Cargadeiro ten só 12 prazas e facía falta de forma temporal, cando menos para este ano, habilitar outro espazo dado que o albergue definitivo que queremos para Ribadeo aínda non está en obras”.
Suárez Barcia explicou que “se vai habilitar unha parte da escola de Vilela para albergue transitorio e temporal durante este 2010. Faráse unha inversión duns 28.000 euros nas obras de acondicionamento: duchas, ampliación de servizos, colocación de contraventás no primeiro andar do edificio e despois o equipamento lóxico para que os peregrinos poidan durmir con comodidade”. Este albergue provisional terá capacidade para acoller a 34 persoas.
O rexedor tamén se congratulou do compromiso do xerente da S.A.Xacobeo, Ignacio Santos Cedrás, “teño unha moi boa noticia que quero resaltar e agradecer o compromiso do actual xerente da S.A. do Xacobeo, dado que se comprometeu a que neste ano 2010 se liciten por fin as obras de rehabilitación do albergue principal que Ribadeo debe ter, que xa foi conveniado na lexislatura anterior da Xunta e polo que se converterá o antigo colexio das monxas da rúa Trinidade nun auténtico albergue cunha capacidade importantísima en número de prazas para os peregrinos. Con esa licitación xa se poderían facer as operacións de apeo e de seguridade para evitar novos desplomes como ocorrido hai unhas semanas e que ese inmoble poida ocasionar perigos ou situacións de risco público. É de agradecer este compromiso e agora agardamos que se licite, que se adxudique a obra e que antes de que remate este 2010 xa teñamos unha parte importante de obra executada”.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
