LUGO .- Preto de 300 persoas participan esta semana nas seis rutas organizadas no programa medioambiental da Deputación, dentro de Km0. Veciños do Páramo elixiron como destino da súa ruta o Concello de Ribadeo; integrantes da asociación de amas de casa “San Tirso” de Palas de Rei tamén viaxarán ata a costa luguesa e, o xoves, membros do centro de maiores “Obra Social Caixa Galicia” de Monforte coñecerán as praias das Catedrais e dos Castros, así como o porto de Rinlo e o aeródromo de Villaframil.
Nota de Prensa
Veciños de Meira inauguran a ruta “Multiaventura” dentro da modalidade Xtreme de Km0
– A iniciativa permite ós participantes redescubrir a provincia a través do deporte e da actividade física, e a ruta escollida inclúe tiro con arco, rastreo e canoas
– Preto de 300 persoas participan esta semana nas seis rutas organizadas no programa medioambiental da Deputación
O Presidente da Deputación, José Ramón Gómez Besteiro, recibiu este martes no Pazo de San Marcos a un grupo da federación “Terras do Páramo” e a outro da asociación cultural “Aulas da Terceira Idade” de Lugo dentro de Km0. Preto de 300 persoas participan esta semana nas seis rutas organizadas dentro do programa medioambiental da Deputación.
Os veciños do Páramo elexiron como destino da súa ruta o Concello de Ribadeo, onde visitaron o centro de cultivos mariños e o convento das Clarisas. Tamén fixeron unha travesía marítima pola ría. Asimesmo, os membros da asociación luguesa tamén se decantaron pola Mariña. No municipio de Cervo percorreron a fábrica de Sargadelos, o Real Padroado e fixeron a pé o Paseo dos Namorados.
O mércores, integrantes da asociación de amas de casa “San Tirso” de Palas de Rei tamén viaxarán ata a costa luguesa. En Ribadeo, visitarán o Castelo de San Damián e o mosteiro das Clarisas. Tamén farán unha travesía marítima pola ría. Ese mesmo día, a asociación de veciños “A Magdalena” de Remourelle (Ribadeo) decantaranse pola comarca de Chantada. A ruta incluirá unha visita á Casa da Cultura, ó establecemento de embutidos, ás igrexas románicas de San Salvador de Asma e Brigos, así como á fábrica de radiadores térmicos. Ademais, farán un percorrido polo casco histórico.
Finalmente, o xoves membros do centro de maiores “Obra Social Caixa Galicia” de Monforte coñecerán as praias das Catedrais e dos Castros, así como o porto de Rinlo e o aeródromo de Villaframil. Pola súa banda, a asociación EME de Meira estrearán a ruta “Multiaventura” dentro da modalidade Xtreme, que lles permite ós participantes redescubrir a provincia a través da multiaventura e da actividade física. A ruta, que inaugurarán os veciños da Terra Chá e que inclúe actividades de tiro con arco, canoas e rastreos, forma parte das 14 opcións que ofrece esta iniciativa e que son totalmente gratuitas: “De Campamento” (onde cada equipo ten que realizar exercicios para ir sumando puntos), “Na Diana” (que inclúe tiro con arco e explicación do medio natural), “Oriéntate!” (actividades relacionadas co deporte de orientación), “A Cabalo”, “Lugo Vertical” (ou escalada), “Lánzate!”, (ou tirolina), “BTT” (bicicleta de montaña), “Globo Cautivo” (vistas aéreas, pero tendo en conta que o globo está amarrado), “Colle a Onda!”, (é unha aposta polos deportes náuticos na Mariña Lucense como o surf e o windsurf), e “Móllate!” (é dicir, vela latina, catamarán, kayak e esquí náutico).
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
