RIOTORTO .- O alcalde de Riotorto Federico Gutiérrez Estoa anunciou que se acababa de poñer en marcha o Plan Estratéxico do Ferro 2010-2015, que conta cun investimento de máis de 190.000 euros para o primeiro ano, o que vai facer posíbel, ademais da organización da feira, poñer en marcha un obradoiro de emprego para que 12 veciños aprendan as técnicas de elaboración da ferramenta de ferro. Gutiérrez Estoa participou na IV Feira da Artesana do Ferro en Riotorto que inaugurou O deputado da Área de Cultura da Deputación de Lugo, Antonio Veiga.
Nota de Prensa
ANTONIO VEIGA INAUGUROU HOXE A IV FEIRA DA ARTESANA DO FERRO EN RIOTORTO
O DELEGADO DE CULTURA DA DEPUTACIN XUNTO AO ALCALDE DE RIOTORTO, FEDERICO
GUTIRREZ ESTOA, ABRIRON OFICIALMENTE A IV EDICIN DA FEIRA ADICADA TRADICIÓN
FERREIRA DO CONCELLO, QUE CADA ANO GAA UNHA MAIOR REPERCUSIN
A NACIONALISTA ANTONIO VEIGA DESTACOU A IMPORTANCIA SOCIO-ECONMICA QUE A
TRADICIN DO FERRO TEN EN RIOTORTO E O APOIO DA DEPUTACIN PARA CONTRIBUR A FACER DA FERRERA UN
MOTOR ECONMICO PARA ESTE MUNICIPIO
RIOTORTO, 18 DE ABRIL DE 2010. O deputado da Área de Cultura da
Deputación de Lugo, Antonio Veiga, inaugurou esta mañá a IV Feira da
Artesanía do Ferro en Riotorto, acompañado do alcalde de Riotorto, o
tamén nacionalista Federico Gutiérrez Estoa, e a xerente do GDR Montes e
Vales, Mónica Rancaño. Antonio Veiga lembrou a importancia que a
artesanía do ferro ten para o concello de Riotorto non só desde o punto
de vista etnográfico ou da tradición, senón tamén como un motor
económico que sexa capaz de xerar emprego e riqueza como unha fonte de
atracción do turismo. Neste sentido apuntou que “a Deputación co seu
apoio tenta contribuír a que a tradición do ferro se erixa como un piar
de desenvolvemento económico e social para Riotorto”.
Os actos de apertura da IV Feira da Artesanía do Ferro de Riotorto
contaron coa actuación dos “Gaiteiros de Riotorto” e tamén do coro
municipal, para pasar logo a unha demostración en vivo de forxado e
traballo co ferro tal como se fixo sempre en Riotorto. As autoridades
tamén puideron presenciar varias demostracións en vivo da realización de
pezas en ferro doutros lugares, como a ofrecida polos ferreiros da
Fonsagrada, ou o obradoiro de ferro infantil a cargo do ferreiro austríaco
Friedrich Bramsteidl. O delegado da Área de Cultura da Deputación,
Antonio Veiga, coa compaña do alcalde de Riotorto, aproveitou para
percorrer os preto de 30 postos adicados á exposición de artesanía, que
incluían outro tipo de produtos a maiores dos realizados con ferro, como
produtos gastronómicos, pratería, cestería ou traballos de coiro.
Pola súa banda, o alcalde Federico Gutiérrez Estoa anunciou que se
acababa de poñer en marcha o Plan Estratéxico do Ferro 2010-2015, que
conta na súa primeira anualidade cun investimento de máis de 190.000
euros, o que vai facer posíbel, ademais da organización desta feira,
poñer en marcha un obradoiro de emprego para que 12 veciños aprendan as
técnicas de elaboración da ferramenta de ferro durante un ano, así como
outras actividades como visitas guiadas de escolares ao concello para
coñecer a tradición ferreira.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
