RIOTORTO .- A delegada territorial da Xunta, Raquel Arias, xunto co director xeral de Desenvolvemento Rural, Antonio Crespo, participou hoxe na entrega dos títulos de propiedade coa que culmina o proceso de concentración parcelaria en Espasande (Riotorto), que beneficia a un total de 834 propietarios.
A concentración reduciu á quinta parte o número de parcelas existentes, que pasaron de 8.609 a 1.757, dando como resultado fincas que teñen unha superficie media de 6.215 metros cadrados. O proceso de concentración de Espasande tivo un custo total de 1.696.965 euros, dos cales máis de 825.000 foron dedicados á rede de camiños e 497.222 investíronse no acondicionamento de fincas.
A delegada territorial subliñou que a concentración parcelaria “máis que un mero cambio de organización da propiedade, significa un cambio de mentalidade, un importante paso cara á modernización do campo, do que obteremos grandes beneficios”. Por elo, felicitouse de que “pouco a pouco, e non sen obstáculos, Galicia vai superando o minifundismo endémico que lastra o noso medio rural”.
Arias destacou as vantaxes da concentración parcelaria, que non só posibilita un aproveitamento racional do solo, senón que “posibilita que se proceda ao fin á regulación xurídica da propiedade de todas as fincas, a través da correspondente inscrición rexistral”.
Ademais, no caso concreto da parroquia de Espasande, inclúe a cesión ao concello de dúas fincas que proceden da masa común da zona, “unha para o campo da festa e outra para un campo de fútbol, incrementando desta maneira as dotacións para os veciños”, aclarou.
O director xeral de Desenvolvemento Rural, Antonio Crespo, incidiu tamén no compromiso da Xunta de apoiar aos concellos rurais “coa mellora de servizos e infraestruturas e con políticas de dinamización empresarial”. A este respecto, Arias lembrou que a Consellería de Medio Rural concedeu o pasado ano 70.000 euros de subvención para a modernización de dúas empresas agroalimentarias radicadas no concello de Riotorto, e estuda tres proxectos que optan a unha axuda no presente exercicio.
Pola súa banda, o Igape tramitou nos últimos meses 19 expedientes de subvención procedentes deste concello, que supoñen un investimento inducido de 429.228 euros. “A vía para o progreso económico pasa necesariamente por incentivar a iniciativa privada –afirmou Arias-. Os empresarios crean postos de traballo, e o traballo fixa poboación no rural”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
