CERVO .- A concelleira de Facenda do goberno do concello de Cervo, Chelo Gallego asegura que en dez anos reduciuse a débeda dun 176% a un 107% que existe na actualidade, pese ao “boicot” da oposición.
NOTA DE PRENSA
Hoxe case a metade da débeda (1,8 millóns de euros procedentes da segregación con Burela) non xeran intereses o que garante a liquidez e a estabilidade económica do Concello
GALLEGO LÉMBRALLE A ÉSTUA QUE EN DEZ ANOS O GOBERNO MUNICIPAL LOGROU REDUCIR A DÉBEDA DO 176 AO 107% PESE AO BOICOT DE NACIONALISTAS E SOCIALISTAS
* A capacidade de financiamento municipal incrementouse significativamente na última década ao crear novas taxas que pagan as grandes multinacionais (eléctricas, eólicas, telefonía móbil) e sen ter que acudir ao baleirado dos petos dos veciños
Cervo, 31 de maio de 2010.- A concelleira de Facenda do Goberno municipal de Cervo, Chelo Gallego lembroulle ao único concelleiro nacionalista local que en dez anos, e tal e como acreditan os datos da intervención municipal, o Partido Popular logrou reducir a débeda dun 176%, que herdaron no 1999, a un 107% que existe na actualidade.
Gallego salientou que a devandita redución acadouse grazas ao aumento da capacidade de financiamento local acadada coa creación de novas taxas que se aplican a grandes empresas como as eléctricas, eólicas ou de telefonía móbil, evitando polo tanto repercutir o custe do financiamento local nos propios veciños, a diferenza das políticas que propugnan e defenden desde o BNG. Ademais nesta última década tal e como puideron percibir os veciños, multiplicáronse os servizos ofertados polo propio concello, coa desprivatización da auga e do lixo, a creación das escolas deportivas, a apertura dos novos centros sociais, e das bibliotecas ou o reforzo do servizo de axuda ao fogar, entre outros.
Chelo Gallego tamén quixo subliñar que mentres que no ano 1999 o conxunto da débeda municipal xeraba unha serie de intereses que facían perigar a estabilidade financeira municipal hoxe a máis os 1,8 millóns de euros que forman parte da débeda en concepto da segregación de Burela non xeran ningún tipo de interese, o que garante a situación económica municipal e evita verse en situacións que si están a acontecer noutros concellos -que ben coñece o BNG- nos que existen problemas de liquidez.
150.000 EUROS MENOS
A edil de Facenda insiste en que o Equipo de Goberno popular está a desenvolver unha política de control de gasto sen reducir ningunha prestación municipal e todo iso, pese aos obstáculos impostos no seu día polo Goberno bipartito da Xunta, que boicoteaba toda actuación en beneficio de Cervo, e a pesares da propia actuación do Goberno central, amparada polo nacionalismo, que recortou en 150.000 euros os ingresos municipais, tras o recorte operado na valoración catastral do encoro de Rio Cobo e do peirao comercial de Alcoa.
Finalmente a edil do Goberno municipal ironizou ao botar en falta que o BNG non saia en defensa destas grandes multinacionais ás que, segundo Gallego, Estua presta servizos como cobrador do frac, e emprazoulle a manexar as cifras das arcas municipais con maior rigor e menos paixón política, o que lle permitirá concluír que hoxe nos atopamos nunha situación infinitamente mellor que a que herdamos, pese a que o contexto económico e moito peor.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
