LUGO .- A creación da Delegación Territorial única supuxo en Lugo un recorte de 1.296.524 euros dos gastos en relación á anterior estrutura das delegacións provinciais, sin merma algunha na labor de xestión para os cidadáns. Así o expuxo a delegada territorial, Raquel Arias, despois de comprobar o cómputo real de custos salariais e doutro tipo orixinados durante o primeiro ano de funcionamento do novo modelo de organización periférica.
“Fronte a quen expresa dúbidas infundadas ou manipula os datos, -explica a delegada- imponse unha realidade incontestable que indica que só nas xefaturas territoriais de Lugo se aforraron case 1,3 millóns de euros (1.296.524 euros), que basicamente eran soldos, dietas e gastos de representación dos antigos delegados provinciais”, explicou Arias.
A delegada considera “deliberadamente desinformadas” ás voces que “aínda hoxe sosteñen que os xefes territoriais son o equivalente aos antigos delegados provinciais”. Resulta evidente, afirmou, que mentres antes existía en cada delegación unha figura política –o delegado provincial- asesorado por un secretario provincial, “agora ambas figuras refúndense na do xefe territorial, de xeito que en todos os casos existe aforro de persoal”.
En total, o gasto das delegacións provinciais de Lugo no último ano de funcionamento do modelo anterior (2008) ascendeu a 1.632.718,04 euros, o que inclúe soldos dos delegados, dietas, gastos de representación ou o combustible dos coches oficiais, entre outros conceptos.
Os gastos de funcionamento da Delegación Territorial por conceptos similares durante este primeiro ano ascenderon a 336.194 euros. Raquel Arias asegura que o goberno da Xunta está a facer un gran esforzo inversor, do que se beneficia especialmente a nosa provincia, “e iso sen renunciar á austeridade que se marcou como principio de actuación e que tivo a súa primeira tradución nun novo modelo de organización da administración periférica da comunidade autónoma”.
A máxima representante do Executivo galego na provincia non esqueceu que esta eficiencia na xestión dos cartos de todos os galegos non se centra só nas delegación territoriais. “Con todas as medidas postas en marcha por este Goberno autonómico nada máis tomar posesión –conclúe Arias- conseguiuse reducir nunha media dun 28% os gastos de funcionamento da Administración autonómica, é dicir, os gastos non produtivos. Hoxe somos unha das tres comunidades máis aforradoras do Estado”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
