BARREIROS .- A delegada territorial da Xunta de Galicia na provincia de Lugo, Raquel Arias, visitou o concello de Barreiros e revisou as instalacións do CEIP San Miguel de Reinante no que, indicou “no mes de xuño se realizarán obras para reformar a cociña, acondicionar un parque infantil e instalar unha pasarela cuberta que unirá dous edificios do complexo”
Nota de Prensa
RAQUEL ARIAS COMPROMETE O APOIO DE EDUCACIÓN PARA A MELLORA DAS INSTALACIÓNS DO CEIP DE SAN MIGUEL DE REINANTE
* A delegada territorial realizou unha visita ao centro no que, segundo indicou, no mes de xuño se realizarán obras para reformar a cociña, acondicionar un parque infantil e instalar unha pasarela cuberta que unirá dous edificios do complexo
* A representante do Executivo galego subliñou o apoio da Xunta a un municipio no que están en marcha traballos para ampliar as prazas de albergue durante o verán e está preto de formalizarse a dotación interior do centro de día
Barreiros, 11 de maio de 2010.- A delegada territorial da Xunta de Galicia, Raquel Arias, realizou hoxe unha visita institucional ao concello de Barreiros no marco da cal mantivo unha reunión co alcalde da localidade, Alfonso Fuente Parga, e revisou as instalacións do CEIP San Miguel de Reinante.
Durante a visita ao colexio, Arias anunciou que a Consellería de Educación levará a cabo no mesmo “ao longo das próximas semanas” unha serie de actuacións. “Os traballos previstos están orientados a mellorar as dotacións do centro de ensino en aras a facilitar unhas instalacións que permitan optimizar as posibilidades de desenvolvemento do proceso lectivo”.
Segundo explicou a representante do Goberno autonómico, os traballos está previsto que estean en marcho ao longo do mes de xuño. “No paquete de actuacións que se van a levar a cabo englóbanse: acondicionamento dun parque infantil na zona do patio do recreo, a remodelación no chan da cociña, a construción dunha pasarela cuberta entre os dous edificios principais do centro, a instalación dunha porta corredeira para pechar o porche do edificio novo e os recubrimentos no polideportivo para evitar riscos de accidentes”, expuxo.
A delegada territorial indicou que os traballos estímase que estarán rematados “ao inicio do verán”, co que, tanto os alumnos como os profesionais que prestan servizo no centro poderán disfrutar das melloras ao comezo do próximo curso escolar. Do mesmo xeito, no CEIP de San Cosme de Barreiros, Educación dotou esta mesma semana a instalación de mobiliario adaptado para facilitar a actuación de alumnado con dificultades de mobilidade.
Arias mantivo unha reunión co rexedor da localidade mariñana antes da acudir ao CEIP San Miguel de Reinante. No encontro, ambos abordaron temas da actualidade de Barreiros, onde o Executivo galego está a apoiar distintas actuacións como o acondicionamento do refuxio de Gondán e a reforma dun antigo edificio escolar na parroquia de San Xusto para ampliar as prazas de albergue, o convenio para dispoñer a dotación interior do centro de día, que contará con 25 prazas, ou a realización –xa en marcha- dun programa de compostaxe doméstica.
As tres primeiras iniciativas estarán dispostas ao longo do verán, facilitando que “por unha banda, Barreiros case duplique a súa oferta actual en prazas de albergue para os meses de verán e, por outro lado, que os maiores da localidade poidan por fin disfrutar dunhas instalacións modernas orientadas ao seu ocio e ao lecer”, segundo indicou a delegada territorial.
O investimento da Administración galega nestes proxectos ronda os 200.000 euros, unha colaboración que, segundo a representante da Xunta, é unha proba “do apoio constante aos municipios pequenos que realiza este goberno”.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
