A MARIÑA .- Durante o sábado e o domingo unha trintena de mulleres e homes da Mariña asistiron no Balneario de Lugo á I Escola de Formación Feminista Corona González. A actividade, organizada polo Observatorio da Mariña pola Igualdade, buscaba articular un espazo de diálogo e reflexión desde un enfoque de xénero sobre cuestións actuais, como a importancia do movemento feminista no mundo en Galiza, a saúde e a medicina, así como as violencias de xénero visíbeis e invisíbeis. Os obradoiros formativos complementáronse con actividades de benestar relacionadas coas augas termais, e así as case 30 persoas participantes puideron gozar de circuítos termais que incluíron sauna seca, sauna húmida, contrastes de auga fría e quente, piscina termal, jacuzzi e sillóns térmicos nos que se aplicou un bálsamo relaxante. Amais, o grupo aproveitou para facer unha visita cultural ás termas romanas milenarias, ubicadas na parte baixa do balneario.
O balance destes dous días realizado por Luísa González, presidenta do Observatorio da Mariña pola Igualdade, é que se tratou dun encontro “moi positivo, gratificante e enriquecedor non só para o propio Observatorio, senón tamén para todas e todos os asistentes, a xulgar polas valoracións tan optimistas que nos transmitiron na folla de avaliación final”. Unha constante nas valoracións das e dos participantes é que, segundo González, “as persoas que participaron nesta primeira edición manifestaron que lles gustaría repetir a experiencia, alongando ademais o tempo de estadía no balneario así como o tempo dedicado aos debates e foros de reflexión, que a moita xente se lles fixeron curtos”, explicou. Por ese motivo, nas súas palabras, “a segunda edición da Escola de Formación Feminista Corona González xa figura no cronograma de actuacións do Observatorio. A propia consolidación da actividade contribuirá tamén ao noso obxectivo de darlle máis visibilidade á figura de Corona González, unha intelectual galega de comezos do século XX cunha clara conciencia feminista e nacional, e moi vinculada á vila de Ribadeo, cuxo importante labor fica aínda no esquecemento”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
